Աղցան Կարմիր ծով. Ծովախեցգետնով և բուլղարական պղպեղով աղցան

Աղցան Կարմիր ծով ԱՂՑԱՆՆԵՐ

Աղցան Կարմիր ծով. Ծովախեցգետնով և բուլղարական պղպեղով աղցան

Անկախ նրանից, թե որքան համեղ ուտեստներ են վայելում մեր տղամարդիկ ռեստորաններում, նրանք երբեք չեն հրաժարվի մի ափսե Օլիվիեից կամ արդեն սիրված մյուս նախուտեստներից: Օրինակ, ամուսինս գերադասում է որևէ ծանոթ ուտեստ պատվիրել նույնիսկ տնից դուրս ճաշելիս, քան անսովոր որևէ բան: Այդ պատճառով մենք ընտրացանկում փնտրում ենք նման աղցաններ:

Այսօր ես ձեզ հետ կկիսեմ Կարմիր ծով աղցանի բաղադրատոմսը: Ինչպես գուշակեցիք, այն ամբողջովին բաղկացած է կարմիր բաղադրիչներից՝ ծովախեցգետնի ձողիկներ, լոլիկ և բուլղարական պղպեղ: Սա իմ սիրած նախուտեստն է 90-ականներից: Այսօր ես գրեթե ամեն օր բուլղարական պղպեղով այս աղցանն եմ պատրաստում. Ինձ հաճույքից չեմ զրկում:

Աղցան Կարմիր ծով
Աղցան Կարմիր ծով. Անհրաժեշտ բաղադրիչները

  • Ծովախեցգետնի ձողիկներ 200 գ
  • Բուլղարական պղպեղ 1 հատ
  • Լոլիկ 4 հատ
  • Կոշտ պանիր 70 գ
  • Սխտոր 1-2 պճեղ
  • Մայոնեզ 2 ճաշի գդալ
  • Աղ՝ ըստ ճաշակի
  • Սև պղպեղ (աղացած)` ըստ ճաշակի

Աղցան Կարմիր ծով

Աղցան Կարմիր ծով. Պատրաստման եղանակը

  1. Խեցգետնի ձողիկերը և բուլղարական պղպեղը կտրել բարակ շերտերով: Խորհուրդ ենք տալիս հյութեղ, մսոտ և, իհարկե, կարմիր պղպեղ վերցնել: Մթերքները լցնել աղցանի ամանի մեջ:
  2. Ցանկալի է նաև լոլիկը վերցնել որևէ մսոտ սորտ: Կտրել յուրաքանչյուր լոլիկը մեջտեղից, սերմերը մաքրել գդալով:
  3. Կտրել լոլիկի պտղամիսը նույն չափի շերտերով:
  4. Կոշտ պանիրը, ըստ ցանկության կամ կտրել շերտերով, ինչպես մնացած մթերքները, կամ քերել կոպիտ քերիչով:
  5. Լոլիկի հետ միասին դա էլ լցնել աղցանի ամանի մեջ:
  6. Մի քանի պճեղ սխտոր ճզմել մամլիչով և ավելացնել աղցանին: Համեմել այն մայոնեզով, աղով և պղպեղով:
  7. Գդալով ամեն ինչ լավ խառնել:
  8. Այս համեղ աղցանը սեղանին մատուցելուց առաջ 20 րոպեով դնել սառնարանում:

Աղցան Կարմիր ծով
Սառը աղցանն ավելի լավ համ ունի, քան տաքը: Տոնական առիթների համար կարելի է նախուտեստը ձևավորել օղակով և զարդարել օրինակ՝ կարմիր խավիարով: Այսպիսով, հին բաղադրատոմսը ներկայացվում է նորովի:

Աղցան Կարմիր ծովը պատրաստ է:

Բարի ախորժակ:

Տեսանյութ

Շքեղ աղցան կաթնաշոռով

Facebook Comments
Խնդրում ենք Գնահատեք