Աշխարհի ամենահեշտ Տորթը՝ Անբան Հուռին․ Առանց թխելու

ՔԱՂՑՐԱՎԵՆԻՔ

Այսօր պատրաստելու ենք տորթ Հուռի, աշխարհի ամենահեշտ և պարզ տորթը՝ առանց ջեռոցի։

ամենահեշտ Տորթը՝ Անբան Հուռին․ Առանց թխելու

 

Տորթ Հուռի Բաղադրիչներ

  • Անանաս պահածոյացված — մի քանի շերտ
  • Բանան — 4-5 հատ
  • Կաթնաշոռ Պրեզիդենտ — 200 գր․
  • Թթվասեր Պրեզիդենտ — 700 գր․
  • Պրյանիկ կամ Անուշաբույր մեղրաբլիթ — 1,5 կգ

Գլազուր

  • Կակաո — 3 ճ․գդ․
  •  Շաքարավազ — 3 ճ․ գդ․
  • Կաթ — 3-6 ճ․գդ․
  • Կարագ — 50 գր․
  • Ձիթայուղ — 1 ճ․գդ․
  • Կոնյակ -1 ճ․գդ․

ամենահեշտ Տորթը՝ Անբան Հուռին․ Առանց թխելու

Տորթ Հուռի Քայլ առ քայլ

  • Սկսենք մրգերը կտրատելուց, այսինք պահածոյացված անանասի մի քանի շերտ մանրացնենք
  • Նաև բանան է մեզ հարկավոր, այն կշերտատենք շեղակի առավել երկար և բարակ շերտեր ստանալու համար
  • Դնենք կտրատված միրգը մի կողմ և արագ անցնենք կրեմին
  • Կրեմը բարդ մի բան չէ, կաթնաշոռ և թթվասերի խառնուրդ է
  • Կարևորը ընտրեք համեղ կաթնաշոռ և թթվասեր
  • Այսօր ես վերցրել եմ Պրեզիդենտ ֆիրմայի կաթնաշոռը 200 գրամանոց, ցածր յուղայնությամբ
  • Իսկ այն փաստը, որ Պրեզիդենտի կաթնամթերքների պահպանման երկար ժամկետ ունի, այն էլ այս օրերին կարելի է մեկ անգամ գնել մի քանի տուփ և մինչև 40 օր պահել, այլևս դուրս չգալ, կաթնամթերքի ետևից
  • Բացելուց հետո իհարկե մի քանի օրում պետք է սպառել
  • Համեղ կաթնաշոռը լցրեցինք, իսկ թթվասերը, օօօ, սա մի այլ պատմություն է, եթե դուք էլ ինձ նման կարոտել եք սովետական թթվասերի համին, ապա այս անգամ գնեք Պրեզիդենտի թթվասերը, այն ձեզ կտա այդ քաղցր հիշողությունը, փորձեք մեկ անգամ և կհամոզվեք
  • Տարբեր յուղայնության եմ վերցրել այս անգամ երկու տուփ 700 գրամն էլ ամբողջությամբ կլցնենք
  • Կավելացնենք մեկ տուփ վանիլին և կհարենք
  • Շաքարավազի կարիք այլևս չկա, մեր խմորի քաղցրությունը լրիվ բավարար է
  • Շատ քիչ դեպքերում է, որ տորթը կամ քաղցրավենիքը նաև օգտակար կարող է լինել․ սա հենց այդ դեպքն է
  • Վերցնում ենք կլոր կաթսա, ցանկացած չափի, կարելի է նաև ուղղանկյուն տարայի մեջ ձևավորել տորթը
  • Այն պատում ենք կերակրի թաղանթով, որպեսզի առանց խնդիր հետո շրջենք
  • Որպես տորթի հիմք և խմոր այսօր մեզ ծառայելու են անուշաբույր մեղրաբլիթները կամ մեզ հայտնի պրյանիկները
  • Այսօր ես մանր եմ վերցրել, այսպես ավելի հարմար կլինի
  • Հատակին լցնենք մի փոքր կրեմ, տարածենք
  • Պրյանիկները կամ հայերենով անուշաբույր մեղրաբլիթները հարթ մասով դեպի հատակ շարենք որպես առաջին շերտ
  • Այնուհետև կրեմ, որի վրա կշարենք կտրատված բանանները, հետո նորից մի փոքր կրեմ, հետո նորից պրյանիկ, այսպես շերտերը կհարջորդեն իրար
  • Մեջտեղի շերտի միրգը կլինի մեր կտրատած անանասը
  • Եթե մանր պրյանիկներ չգտնեք, վերցրեք խոշորները և 4 մասի բաժանեք, նույն արդյունքը կստանաք
  • Վերջին շերտի պրյանիկների հարթ մակերեսը դեպի վեր շարենք, կրեմի մնացորդն էլ տարածենք վրան
  • Կերակրի թաղանթով ծածկենք այս շերտը, ձեռքերով տեղավորենք հավասարեցնենք, փակենք վրան և ուղարկենք սառնարան

ամենահեշտ Տորթը՝ Անբան Հուռին․ Առանց թխելու

  • Ցանկալի է ամբողջ գիշեր թողնենք սառնարանում, եթե շտապում եք, առնվազն 3-4 ժամ գոնե պահեք
  • Այդ ընթացքում էլ կպատրաստենք համեղ գլազուր
  • 3 գդալ կակաոին ավելացնում ենք երեք գդալ շաքարավազ, խառնում մի փոքր և ավելացնում կաթ, այնքան որպեսզի փոշի զանգվածը առանց գնդերի լրիվ տարալուծվի և դառնա այսպիսի հեղուկ զանգված
  • Կարագ ենք ավելացնում, ինչպես նաև 1 ճաշի գդալ ձեթ, սա փայլ կտա լրացուցիչ
  • Մեկ գդալ կոնյակ ենք լցնում, հրուշակագործների գաղտնիքից
  • Եթե ավելի մուգ եք սիրում գլազուրը, ապա կաթը կարող եք փոխարինել ջրով
  • Եփում ենք մի քանի րոպե, մի փոքր թանձրացավ, վերջ վերցնում ենք կրակից
  • Այժմ սառնարանից հանենք թխվածքը վրայից հեռացնենք կերակրի թաղանթը
  • Շրջենք կալկայի վրա, ցելոֆանի մնացորդներն էլ հեռացնենք
  • Այժմ արդեն մի փոքր սառած գլազուրը լցնենք մեր տորթի վրա, տարածենք բոլոր կողմերով
  • Վրան կարող ենք զարդարել ըստ մեր ճաշակի
  • Քանի որ մեջտեղի շերտը անանաս է, մենք էլ վրան մեկ շերտ անանաս կդնենք, դե ընկույզն էլ չի խանգարի
  • Արագ և հեշտ տարբերակ տան քաղցրակերներին օգտակար քաղցրավենիք հյուրասիրելու համար, ինչպես նաև այն բալիկները, որոնք կաթնաշոռ և թթվասեր չեն սիրում, առանց կասկածելու կվայելեն այս համեղությունը

Աշխարհի ամենահեշտ Տորթը՝ Անբան Հուռին․ Առանց թխելու Տեսանյութ

Դե ինչ բարի ախորժակ։

Facebook Comments
Խնդրում ենք Գնահատեք