Բեզե թարմ հատապտուղներով և շոկոլադով. Նուրբ աղանդեր շատ մատչելի մթերքներից

Բեզե թարմ հատապտուղներով ՔԱՂՑՐԱՎԵՆԻՔ

Բեզե թարմ հատապտուղներով և շոկոլադով. Նուրբ աղանդեր շատ մատչելի մթերքներից: Սա այն աղանդերն է, որ գերադասում են համադամասերները:

Դուք կարող եք պատրաստել տպավորիչ աղանդեր այն մթերքներից, որ ամենայն հավանականությամբ այս պահին կան ձեր տանը, բայց նույնիսկ դրանց բացակայության դեպքում հայթայթելը դժվար չէ: Մեզ պետք են թարմ հատապտուղներ և շոկոլադ:

Այս աղանդերի հմայքն այնքան մեծ է, որ ոչ ոքի չի թողնի անտարբեր, բոլորն անպայման կցանկանան փորձել: Բայց մինչև սեղանից անհետանալը, պարզապես կարող եք հիանալ ձյան պես սպիտակ բեզեի ձևերի և հալած շոկոլադի օգնությամբ նկարված նախշերի գեղեցկությամբ: Անպայման պատրաստեք Բեզե թարմ հատապտուղներով և շոկոլադով:

Բեզե թարմ հատապտուղներով

Բեզե թարմ հատապտուղներով և շոկոլադով. Անհրաժեշտ բաղադրիչներ

  • Ձու — 6 հատ
  • Շաքարավազ — 2 բաժակ
  • Թարմ հատապտուղներ `յուրաքանչյուր բաժնի համար 3-5 հատապտուղ (խորհուրդ եմ տալիս ազնվամորի, քանի որ այն հիանալի համադրվում է բեզեի համին)
  • Դարչին — 0,5 թեյի գդալ
  • Մուգ շոկոլադ — 1 սալիկ (100 գ)

բեզե

Բեզե թարմ հատապտուղներով և շոկոլադով. Ինչպես պատրաստել

  1. Սպիտակուցներն առանձնացնել դեղնուցներից, մեզ պետք են միայն դրանք: Օգտագործելով հարիչ, սպիտակուցները հարել մինչև թանձր փրփուր ստացվի, մոտ 2-3 րոպե: Նրբորեն լցնել շաքարավազը` միանգամից ոչ ամբողջը, այլ 2 ճաշի գդալ մասերով: Շարունակել հարել մինչև համասեռ զանգված ստացվի` կայուն գագաթներով:
  2. Ջեռոցը նախապես տաքացնել 140 C: Պատրաստել 2 տապակ, դրանց վրա դնել յուղաթուղթ: Օգտագործելով թեյի գդալ կամ խոհարարական ներարկիչ, պետք է բեզեները լցնել յուղաթղթի վրա՝ 3-4 սմ հեռավորություն թողնելով դրանց միջև, որովհետև թխելիս բեզեն մեծանում են չափերով: Մեր բեզեները ջեռոցում թողնել 35-40 րոպե, ոչ ավել: Ներսից դրանք պետք է լինեն փափուկ, իսկ դրսից՝ չոր և փխրուն:
  3. Երբ բեզեները պատրաստ լինեն, դրանք պետք է սառեցնել: Այժմ պետք է  պատրաստել հատապտուղներն ու շոկոլադը, որպեսզի ամեն ինչ հնարավոր լինի արագ և հեշտ անել, քանի որ հալված շոկոլադը շուտ է սառչում:
  4. Շոկոլադե սալիկը պետք է մանրացնել մետաղական ամանի մեջ, որը պետք է դրվի եռացող ջրով ամանի մեջ: Շոկոլադը կսկսի հալվել: Անհրաժեշտ է հասցնել համասեռ խիտ զանգվածի, որպեսզի գնդիկներ չլինեն:
  5. Ավելացնել դարչին և մանրակրկիտ խառնել: Այժմ ամեն ինչ պատրաստ է հատապտուղներով և շոկոլադով մեր աղանդերի հավաքման համար:
  6. Մենք վերցնել գդալը, զգուշորեն սեղմել դրանով բեզեի գագաթը, որպեսզի այն դառնա հարթ, այսինքն պատրաստել զարդարման տարածք հատապտուղների համար: Պետք է դասավորել հատապտուղները` ազնվամորի կամ այլ (հապալաս, ելակ) և վերևից լցնել հալած շոկոլադ: Դա կարելի է անել պատահական, անփույթ շարժումներով, կամ հակառակը՝ գեղեցիկ ժանյակով: Այս հարցում պետք է թողնել, որ երևակայությունը հուշի: Հիշեք, որ շոկոլադը արագորեն պնդանում է, այնպես որ չի կարելի հապաղել: Եվ այսպես, պետք է մեկ առ մեկ կրկնել յուրաքանչյուր բեզի հետ:
  7. Պատրաստի Բեզե թարմ հատապտուղներով պետք է շարել լայն ամանի վրա, կարող եք զարդարել գեղեցիկ անանուխի տերևներով և մատուցել զարմացնելով հյուրերին կամ ընտանիքի անդամներին որպես նուրբ դեսերտ: Կարծում եմ, որ ոչ ոք չի հրաժարվի այդպիսի համեղությունից:

բեզե

Բեզեն թարմ հատապտուղներով և շոկոլադով պատրաստ է:

Պատրատեք և մատուցեք ժպիտով:

Տեսանյութ

Արագ աղանդեր

Facebook Comments
Խնդրում ենք Գնահատեք