Այսօր պատրաստելու ենք ավանդական անուշահամ Գավառի գաթա, բազմաթիվ շերտերով, յուղոտ, համով, տնական մի գլուխգործոց։ Այս քաղցրավենիքի համի մասին մեր տուրիստները լեգենդներ են պատմում իրենց հայրենիքներում և իսկապես արժանի է անսպառ գովեստի մեր Քյավառի գաթան։
Գավառի գաթա Բաղադրիչներ
Խմոր
- Կարագ — 400 գր․
- Թթվասեր — 400 գր․
- Սոդա — 1 թ․ալյուր
- Ձու — 4 հատ
- Ալյուր — 800 գր․
- Աղ — մեկ պտղունց
Խորիզ
- Կարագ — 400 գր․
- Շաքարավազ — 400 գր․
- Ալյուր — 200 -250 գր․
- Վանիլին
Գավառի գաթա Քայլ առ քայլ
- Գավառի գաթա առանձնահատկություններից մեկն էլ իր առատ յուղի կամ կարագի օգտագործումն է
- 400 գրամ կարագը սենյակային ջերմաստիճանում արդեն փափկած վիճակում կօգտագործենք, կարելի է նաև յուղի վերածել իսկական տնական համուհոտ ստանալու համար
- Գավառի գաթայի մեջ մածունի փոխարեն պարտադիր թթվասեր են օգտագործում, իդեալական կլիներ եթե տնական պատրաստած լիներ 400 գրամ կօգտագործենք
- 4 տնական ձու կավելացնենք
- Հարկավոր է հարել այս զանգվածը
- Այժմ ալյուրը չոր բաղադրիչների հետ ավելացնելու ժամանակն է
- 500 գրամ ալյուրի հետ 1 թեյի գդալ սոդա և մեկ պտղունց աղ կավելացնենք
- Կմաղենք սա արդեն մեր ունեցած զանգվածի վրա և կշարունակենք հարել հարիչով
- Ալյուրի մի որոշ զանգված լցնելով սեղանին, այժմ պետք է խմորը հունցել սեղանին
- Ընդհանուր հաշվով խմորի համար օգտագործվում է 800-900 գրամ ալյուր
- Պետք է ստացվի հաճելի փափուկ, բայց ձեռքերին չկպնող խմոր
- Գավառի գաթայի խմորը շատ չենք հունցում
- Ամբողջը հարկավոր է բաժանել 3 գնդի, դնել պոլիէթիլենային տոպրակի մեջ և մի կես ժամով կողքի դնել, որի ընթացքում կհասցնենք պատրաստել միջուկի խորիզը
- Համեղ խորիզ ստանալու համար կարագ կամ յուղ կվերցնենք 400 գրամ
- Շաքարավազ 400 գրամ կավելացնենք, կարող եք և կիսել այս չափաբաժինը, եթե շատ քաղցրից խուսափում եք
- Ալյուր կավելացնենք 200 -250 գրամ, անհրաժեշտության դեպքում արդեն կկողմնորոշվեք ընթացքում
- Վանիլին կես թեյի գդալ
- Ձեռքով խառնենք, արդյունքում պետք է ստացվի այսպիսի մեջտեղում կպնող կողքերից փշրվող խորիզ, մի փոքր թաց խորիզ
- Խորիզն էլ է պատրաստ անցնենք արդեն գաթան ձևավորելուն
- Կարևոր պայման է այս ողջ ընթացքում անպայման ժպտալ և քթի տակ մի հաճելի երգ երգել
- Այս բաղադրատոմսի մանրամասներով ինձ հետ կիսված իմ ծանոթ գավառցի կինն է խորհորդ տվել
- Մինչ կսկսենք գաթան ձևավորել ջեռոցը հարկավոր է միացնել, որպեսզի այն արդեն տաք լինի գաթան տեղավորելիս
- Բացենք առաջին գունդը
- Այնքան փափուկ հաճելի, հեշտ բացվող խմոր է
- Հնարավորինս լայն բացենք
- Գավառի գաթան տարբերվում այլ գաթաներից իր հնարավորինս շատ շերտեր ունենալով
- Իսկ շերտերը ձևավորում ենք հետևյալ կերպ
- Փռված լավաշի կենտրոնական մասով ձեռքով տարածում ենք խորիզը մի շերտով
- Վրա են բերում մի կողմից շերտը այդ կենտրոնական ծածկում
- Այս շերտի վրա նույնպես խորիզ ենք քսում երկայնքով մեկ
- Հաջորդ շերտով ենք ծածկում և եզրերը մատով ամրացնում ենք, կպցնում
- Հաջորդ քայլը կենտրոնում ենք խորիզ քսում ուղղանկյունաձև
- Ձախ կողմից ծածկում այդ հատվածը
- Կրկին վրան խորիզ քսում և աջ կողմից ենք վրա բերում ծածկում
- Ստանում ենք ուղղանկյունաձև այսպիսի տեսք
- Խմորի եզրերը կրկին լավ ամրացնում ենք և սկսում ենք այն գրդնակելով տարածել, լայնացնել դեպի աջ և ձախ
- Այս ընթացքում խորիզն էլ է տեղավորվում, ինքն էլ բարակում է, մոտավորապես մեկուկես սանտիմետր հաստություն ստանալը բավական է
- Այս խմորը պետք է արդեն տեղավորենք ջեռոցի տապակի մեջ, այն լրացուցիչ յուղով կամ ձեթով պատելու կարիք չկա քանի որ խմորն արդեն ինքնին յուղոտ է
- Հարկավոր է պատառաքաղով այն ձևավորել, ցանկացած նախշ կարող եք անել, ես շեղանկյունաձև ահա այսպիսի գծերով կծակծկեմ գաթան
- Այս հարմարավետ սարքով էլ կտարածեմ մեկ հարած ձուն ամբողջ գաթայի երեսով մեկ
- Ճիշտ ժամանակն է գաթան ուղարկել տաք ջեռոց, 180 աստիճանում 40 րոպե եփվելու
- Հրաշալի քաղցր բույրով է լցվել մեր խոհանոցը
- Այսպիսի կարմրաթուշ գաթա ստանալու համար պարտադիր է ունենալ որակյալ ջեռոց, արդեն կարմրաթուշ մեր գաթան ջեռոցից հանելու ճիշտ ժամանակն է, ցանկալի է իհարկե թողնել, որ այն մի փոքր սառչի նոր կտրատել
- Կարելի է ուղղանկյունաձև կտրատել, շեղանկյունաձև, դա արդեն ձեր ընտրությամբ է
- Ես փախլավաձև կկտրատեմ, կհիանամ և իհարկե սուրճով կվայելեմ այս հրաշք անուշաբույր գավառի մեր գաթան
- Այն շատ յուղոտ է , կալորիական, հագեցնող և իհարկե անչափ համեղ, շատ պարզ է և հեշտ իր պատրաստման մեջ
Դե ինչ , բարի ախորժակ։
