Դդմիկով ջեռեփուկ. Պանրով տաք ուտեստ ընթրիքի համար

Դդմիկով ջեռեփուկ ՏԱՔ ՈՒՏԵՍՏՆԵՐ

Դդմիկով ջեռեփուկ պատրաստելիս բուսական հիմքը և միջուկը չեն խառնվում՝ ձևավորելով բազմաշերտ ուտեստ։ Բացի այդ, այն շատ համեղ է և անչափ ախորժելի տեսք ունի։

Իհարկե, ոչ միայն խոզապուխտը, այլև երշիկը, եփած կամ թխած մսի կտորները հարմար են որպես պանրով դդմիկով ջեռեփուկի միջուկ։ Վերցրեք ցանկացած պանիր: Միևնույն է, ուտեստը շատ համեղ է:

Դդմիկով ջեռեփուկ
Դդմիկով ջեռեփուկ. Բաղադրիչներ

_Դդմիկ 3 հատ

_Կարտոֆիլ 2 հատ

_Ձու 3 հատ

_Ցորենի ալյուր 90 գ

_Խոզապուխտ 100 գ

_Կոշտ պանիր 100 գ

_Աղ 1 թեյի գդալ

_Սև պղպեղ (աղացած)՝ ըստ ճաշակի

_Չորահացի փշրանքներ 30 գ

_Արևածաղկի ձեթ 2 ճաշի գդալ

Դդմիկով ջեռեփուկ
Դդմիկով ջեռեփուկ. Պատրաստման եղանակը

_Դդմիկը և կեղևահան արված կարտոֆիլը անցկացնել խոշոր քերիչով։ Ավելորդ հեղուկը քամեք բանջարեղենից։

_Բանջարեղենին ավելացնել ձուն, աղը, պղպեղը և լավ խառնել։ Վերջում լցնել ալյուրը։

_Թխելու համար նախատեսված ձևամանը յուղել արևածաղկի ձեթով և ցանել չորահացի փշրանքներ։ Հավասարաչափ շարել կարտոֆիլ-դդմիկ զանգվածի մի մասը, շաղ տալ չորահաց։

_Խոզապուխտի և պանրի կտորները դնել չորահացի փշրանքների վրա, վրան լցնել բանջարեղենի խառնուրդը, կրկին պաքսիմատը և մի քիչ ձեթ։

_Թխել 45 րոպե նախապես 180°C տաքացրած ջեռոցում։

Դդմիկով ջեռեփուկ Դդմիկով ջեռեփուկ

Դդմիկով ջեռեփուկը շատ համեղ է և ախորժելի։ Եթե ​​ունեք փոքրիկ դդմիկներ, խորհուրդ եմ տալիս վերցնել ոչ թե 3, այլ 4 հատ։ Նույնը վերաբերում է կարտոֆիլին։ Այսքան բանջարեղենի համար պահանջվող ձևամանը պետք է մեծ և խորը լինի:

Բարի ախորժակ:

Տեսանյութ

Դդմիկով կոտլետներ

Facebook Comments
Խնդրում ենք Գնահատեք