Դդմիկով և հավի կրծքամսով ջեռեփուկ. Բանջարեղենի ու մսի հագեցնող համադրություն

Դդմիկով և հավի կրծքամսով ջեռեփուկ. Բանջարեղենի ու մսի հագեցնող համադրություն: Դդմիկի երկրպագուներին սա շատ դուր կգա:
Դդմիկով ջեռեփուկը հիանալի ուտեստ է: Մենք այն շատ ենք սիրում և երբեք չենք ձանձրանում: Այս ջեռեփուկը կարող եք փորձել նաև սմբուկով, բայց համը բոլորովին տարբերվում է դդիկով տարբերակից:

Եթե ​​դեռ չեք փորձել, ուրեմն առաջարկում ենք պահպանել այս բաղադրատոմսը և անպայման պատրաստել այդ պարզ ուտեստը:

Դդմիկով և հավի կրծքամսով ջեռեփուկ. Անհրաժեշտ բաղադրիչները

• 2 երիտասարդ (փոքր) դդմիկ
• 3 փոքր լոլիկ
• 3-4 շամպինիոն
• 1 մեծ սոխ
• 100 գրամ խաշած հավի կրծքամիս
• 0.5 բուլղարական պղպեղ
• 100 գրամ պանիր
• 1 պճեղ սխտոր
• բոլոր համեմունքներն ու աղը `ըստ ճաշակի

Դդմիկով և հավի կրծքամսով ջեռեփուկ. Քայլ առ քայլ բաղադրատոմս

1. Դդմիկները կտրել երկարությամբ բարակ շերտերով, բայց ոչ մինչև վերջ: Հավի կրծքամիսը խաշել:
2. Կտրատել բանջարեղենը, հավի միսն ու սունկը, ինչպես ցանկանում եք:
3. Քերել պանիր մանր քերիչով:
4. Ջեռոցի ձևամանը յուղել բուսական յուղով, և նույնիսկ ավելի լավ կլինի, եթե ծածկեք յուղաթղթով:
5. Այժմ դնել շերտերով կտրատված սոխը եւ դրա վրա տեղավորել շերտատված դդմիկները:
6. Տեղադրել կտրատված միջուկը(բանջարեղենը և հավի կրծքամիսը) դդմիկի շերտերի միջև, աղ, պղպեղ անել և վերջում ամեն ինչի վրա շաղ տալ քերած պանիր:
7. Ջեռոցը տաքացնել 180 աստիճանով և դդմիկը դնել մեջը 30-40 րոպե:
8. Ստացվում է համեղ և գեղեցիկ ուտեստ:

Դդմիկով և հավի կրծքամսով ջեռեփուկը պատրաստ է:

Լավ ախորժակ և հիանալի տրամադրություն ձեզ:

Տեսանյութ

Դդմիկով կոտլետ — Շատ հեշտեն և Համեղ․ Դդմիկի կոտլետներ