Դիետիկ վինեգրետ. Համեղ ու նիհարեցնող աղցան առանց կարտոֆիլի հարմար կլինի որպես թեթև ընթրիք

Առաջարկում ենք Դիետիկ վինեգրետ պատրաստել պահածոյացված լոբով, կանաչ ոլոռով և թթու դրած վարունգով։

Այս տարբերակը հարմար է ոչ միայն դիետայի, այլև ծոմ պահելու ժամանակ, այն սիրում են նաև բուսակերները։ Սեփական հյութի մեջ պահածոյացված սպիտակ լոբին հիանալի այլընտրանք է խաշած կարտոֆիլին: Լավագույն համի համար վինեգրետի բանջարեղենը տաք վիճակում կտրատեք և խառնեք:

Դիետիկ վինեգրետ. Բաղադրիչներ

_Խոշոր ճակնդեղ — 1 հատ

_Գազար — 2-3 հատ

_Թթու վարունգ — 3 հատ

_Սպիտակ սոխ — 0,5 հատ

_Պահածոյացված ոլոռ — 200 գ

_Պահածոյացված լոբի — 200 գ

_Ձիթապտղի յուղ — 4-5 ճաշի գդալ

_Ծովի աղ — ըստ ճաշակի

_Պղպեղ — ըստ ճաշակի

Դիետիկ վինեգրետ. Պատրաստման եղանակը

_Լվացեք ճակնդեղը և գազարը կոշտ սպունգով հոսող ջրի տակ։

_Խաշել մինչև փափկի գազարը՝ 20 րոպե, ճակնդեղը՝ 40-50 րոպե։ Թեթևակի հովացնել, կեղևը հեռացնել, կտրատել խորանարդիկներով։

_Մանր կտրատել 3-4 միջին չափի թթու վարունգ:

_Սոխի կեսը մանր կտրատել, կարելի է վարունգի հետ խառնել, մի քանի րոպեից սոխը նույնպես կթթվի։

_Ավելացնել պահածոյացված կանաչ ոլոռ և սեփական հյութի մեջ պահածոյացված սպիտակ լոբին:

_Ծովի աղ ավելացնել, մի քիչ պղպեղ անել, համեմել ձիթապտղի յուղով, խառնել։

_Թողեք, որ աղցանը թրմվի 10 րոպե և դիետիկ վինեգրետը պատրաստ է։

Բարի ախորժակ։

Տեսանյութ

Համեղ վինեգրետ նոր բաղադրատոմսով