Ընկույզով փարթամ կարկանդակ. Համեղ և հեշտ պատրաստվող թխվածք

Ընկույզով փարթամ կարկանդակ. Համեղ և հեշտ պատրաստվող թխվածք

Այս կարկանդակը շատ նուրբ, փարթամ և անուշաբույր է: Դուք անմիջապես կցանկանաք արագ փորձել գոնե մի փոքրիկ կտոր, այնքան համեղ է ստացվում, որ պարզապես մատները հետը կուտեք:

Ընկույզով փարթամ կարկանդակ. Անհրաժեշտ բաղադրիչները

Լցոն

• Ընկույզ 100 գ
• Շաքար 70 գ
• Հալված կարագ 35 գր

Խմոր

• Փափուկ կարագ 70 գ
• Շաքար 70 գ
• Ձու 2 հատ
• Մածուն կամ թթվասեր 130 գ
• Խմորի սոդա 2 գ
• Ալյուր 150 գ
• Փխրեցուցիչ 5 գ

Ընկույզով փարթամ կարկանդակ. Պատրաստման եղանակը

1. Խորը ամանի մեջ խառնել մանրացված ընկույզը, շաքարավազը, լցնել հալված կարագը, ամեն ինչ մանրակրկիտ խառնել:
2. Մեկ այլ ամանի մեջ դնել փափուկ կարագը, ավելացնել շաքարավազը և հարիչով միատարր զանգված ստանալ:
3. Հետո դրա վրա լցնել ձվերը, ավելացնել մածունը, հարել, ապա ավելացնել սոդա և շարունակել հարել:
4. Այժմ լցնել մաղած ալյուրը, փխրեցուցիչը և խմորը խառնել բահիկով:
5. Վերցնել տորթի ձևաման, ծածկել յուղաթղթով, դրա վրա տարածել խմորի կեսը, ապա լցնել ընկույզի միջուկի մի մասը, վրան ավելացնել խմորի մնացած մասը և ծածկել ընկույզի լցոնման շերտով:
6. Կարկանդակը կես ժամով դնել 180 աստիճան տաքացրած ջեռոցում:

Ընկույզով փարթամ կարկանդակը պատրաստ է: Ստացվում է սննդարար, անուշաբույր և շատ քնքուշ տորթ: Անպայման պատրաստեք, եթե մեկ անգամ փորձեք, արդյունքը դուր կգա ձեր սիրելիներին:

Բարի ախորժակ

Տեսանյութ

Տորթ տղամարդու իդեալ