Լցոնած դդմիկ. Համեղ միջուկով բանջարեղենային կոճղիկներ

Լցոնած դդմիկ ՏԱՔ ՈՒՏԵՍՏՆԵՐ

Ներկայացնում ենք անսովոր նախուտեստ Լցոնած դդմիկ տոնական սեղանի և ընտանեկան ընթրիքի համար։ Ախորժելի կոճղերի տեսքով ուտեստը և՛ դիետիկ է, և՛ համեղ, այնպես որ, բոլորին դուր կգա:

Այս ուտեստի համար փորձեք նույն չափի փոքր դդմիկներ վերցնել, որպեսզի կոճղերը հավասար բարձրության վրա լինեն: Ցանկալի է, որ բանջարեղենը երիտասարդ լինի՝ ավելի հյութեղ և փափուկ մաշկով։

Գաղափար. Որպեսզի դդմիկի միջուկը դեն չգցեք, պատրաստեք բլիթներ։ Դրա համար միջուկը պատառաքաղով տրորել ամանի մեջ, ավելացնել 2 ձու և 100 գ ալյուր։ Լցնել 0,5 թեյի գդալ փխրեցուցիչ, խառնել և տապակել բուսայուղի մեջ։

Լցոնած դդմիկ

Լցոնած դդմիկ. Բաղադրիչներ

_Դդմիկ 4 հատ

_Խոզի միս 250 գ

_Սոխ 1 հատ

_Մաղադանոս 0,5 փունջ

_Բրինձ 4 ճաշի գդալ

_Ձիթապտղի յուղ 2 ճաշի գդալ

_Աղ՝ ըստ ճաշակի

_Սև պղպեղ (աղացած) 0,5 թեյի գդալ

_Համեմ 0,5 թեյի գդալ

_Պապրիկա 0,5 թեյի գդալ

_Տոմատի մածուկ 1,5 ճաշի գդալ

_Ջուր 300 մլ

_Պրովանսյան համեմունքներ 1 թեյի գդալ

_Չերի լոլիկ 8 հատ

Լցոնած դդմիկ

Լցոնած դդմիկ

Լցոնած դդմիկ. Պատրաստման եղանակը

_Լվանալ դդմիկը, չորացնել, երկու կողմից կտրել ծայրերը։

_Պատառաքաղի միջոցով երկայնական ակոսներ արեք՝ կեղևը ավելի փափկացնելու համար:

_Յուրաքանչյուր դդմիկ կտրել 4 հավասար մասի։ Գդալով մեջը փորեք և հանեք միջուկի մի մասը: Թողեք հատակ մնա:

_Լցոն. Աղացած մսին ավելացնել մանր կտրատած սոխը, մանր կտրատած մաղադանոսը, հում բրինձը։ Խառնել զանգվածը։

_Լցնել ձիթապտղի յուղը, ավելացնել համեմունքներ՝ պղպեղ, համեմ և պապրիկա։ Աղ անել, կրկին մանրակրկիտ խառնել։

_Լոլիկով սոուս. Մի ամանի մեջ խառնել տոմատի մածուկը եռացրած ջրի հետ։ Ավելացնել պրովանսյան համեմունքներ և աղ անել ըստ ճաշակի, խառնել։

_Ձիթապտղի յուղով յուղել ջեռոցի կաղապարը։ Դրեք լցոնած դդմիկները: Չերրի լոլիկները մեջտեղից կիսել և միջուկը ծածկել։

_Դդմիկների վրա լցնել լոլիկի սոուսը և կաղապարը ծածկել փայլաթիթեղով:

_Մեկ ժամով թխել 200 աստիճան տաքացված ջեռոցում։

Լցոնած դդմիկ

Համաձայնեք, այս ուտեստը կարող է զարմացնել հյուրերին: Որպես այլընտրանքային միջուկ կարող եք օգտագործել սունկը՝ սոխով և կոշտ պանրով։

Լցոնած դդմիկ

Այս դեպքում լոլիկի փոխարեն խորհուրդ ենք տալիս թթվասերով միջուկ պատրաստել կանաչիներով։

Բարի ախորժակ:

Տեսանյութ

Դդմիկով կոտլետ

Facebook Comments
Խնդրում ենք Գնահատեք