Կարտոֆիլի կոլոլակ. Այս բաղադրատոմսը հմուտ խոհարարուհու կախարդական փայտիկ է
Ես նրանցից չեմ, ովքեր սնունդը դեն են նետում: Այո, պատահում է, որ մենք ժամանակ չունենք հացն ուտելու, և այն հնանում է: Բայց դա պատճառ չէ անմիջապես մթերքը թափելու համար: Նման դեպքերում ես քերում եմ այն և օգտագործում որպես չորահացի փշրանքներ:
Երբեմն մնում է ոչ միայն հացը այլ ասեն կարտոֆիլը խաշած կամ տրորած պյուրեի տեսքով: Նման դեպքում կարող ենք պատրաստել բանջարեղենով համեղ կոլոլակներ:
Այնպես որ, այս արագ խորտիկը պատրաստելու համար կարող եք օգտագործել երեկվա կարտոֆիլը: Ընթրիքին չե՞ք սպառել կողմնակի ուտեստը: Դա այլևս խնդիր չէ: Պանրով կարտոֆիլի գնդիկներն աներևակայելի համեղ են: Ծանոթացեք բաղադրատոմսին:
Կարտոֆիլի կոլոլակ. Անհրաժեշտ բաղադրիչները
- Կարտոֆիլ 700 գ
- Կանաչի 40 գ
- Ձու 1 հատ
- Բոքոն 3 հատ
- Կոշտ պանիր 120 գ
- Ցորենի ալյուր 70 գ
- Աղ` ըստ ճաշակի
- Սև պղպեղ (աղացած)` ըստ ճաշակի
- Արևածաղկի ձեթ
Կարտոֆիլի կոլոլակ. Պատրաստման եղանակը
- Չորացած հացաբուլկիները քերիչով քերել և մաղել մաղով:
- Կարտոֆիլը եփել և պատառաքաղով տրորեք: Ավելացնել աղ, պղպեղ, մանրացված կանաչիներ և խառնել:
- Կարտոֆիլի մի փոքր զանգված վերցնել, բացել այն ձեռքի ափի մեջ: Դնել մի փոքրիկ պանրի խորանարդ կենտրոնում և կարտոֆիլը ափերով գնդիկ սարքել:
- Ձուն հարել 30 մլ ջրի հետ: Յուրաքանչյուր գնդիկ նախ ընկղմեք ալյուրի մեջ, ապա ձվի խառնուրդի մեջ, վերջում՝ պաքսիմատի մեջ: Գնդիկները տապակել բուսական յուղի մեջ մոտ 5 րոպե:
Կարող եք կարտոֆիլի գնդիկներ պատրաստել կանաչիներով: Ես սովորաբար օգտագործում եմ դրանք ըստ սեզոնի:
Ուտեստը սեղանին կարելի է տարբեր սոուսներով մատուցել՝ սխտորով, կետչուպով, քաղցր-թթու կամ պանրային:
Կարտոֆիլի կոլոլակը պատրաստ է:
Բարի ախորժակ
Տեսանյութ
Կարտոֆիլի պատրաստման համեղ տարբերակ
