ԿԸՐԾ․ Յուրահատուկ Խմորամսային ուտեստ Ազգային խոհանոցից

Ողջույն այսօր պատրաստելու ենք Կըրծ՝ յուրահատուկ համեղ խմորամսային ուտեստ Նախիջևանի հայերի ազգային տեղային խոհանոցից։ Մսի կարևորագույն բաղադրիչը ձեզ կզարմացնի, իսկ համտեսելուց հետո՝ նաև կհիացնի։

Խմորամսային ուտեստ Բաղադրիչներ

Միջուկ

• Տավարի փափկամիս — 1 կգ․
• Սոխ — 2 մեծ գլուխ
• Համեմ 1 փունջ
• Կարագ — 150 գրամ
• Հոնի կտահան չիր

Խմոր

• Ալյուր — 1 կիլոգրամ
• Աղ — 1 թ․ գդալ
• Գոլ ջուր  — 1 լիտր
• Ձիթայուղ

Կըրծ Պատրաստման եղանակը

• Տավարի փափկամիսը լվանում ենք, մաքրում ենք նաև 2 գլուխ սոխ
• Միասին պետք է աղանք միսն ու սոխը
• Գազօջախի վրա կաթսա ենք դնում, ձիթայուղ լցնում, մի փոքր այն տաքանալուց հետո ավելացնում ենք աղացած միսն ու սոխը միաժամանակ և սկսում ենք տապակել
• Մի փոքր տապակելուց հետո ավեaլցնում ենք մեկ բաժակ ջուր և պարբերաբար խառնելով եփում այնքան մինչև ջուրը ամբողջությամբ քաշի
• Աղ ենք անում ըստ ձեր քիմքի

• Ավելացնում ենք կարագ 150 գրամ
• Մեկ կապ համեմը հնարավորինս մանր կտրատած ավելացնում ենք
• Մի բուռ չորացրած ռեհան ենք փշրում
• Վերջում ավելացնում ենք կտահան հոնի չիր, սա այս հետաքրքիր ուտեստի միջուկի յուրահատուկ բաղադրիչն է, որը պարտադիր, այն յուրահատուկ համեղ թթվաշություն է փոխանցում ուտեստին
• Խառնում ենք և անջատում կրակը
• Մինչ կսառի միջուկը մենք կհասցնենք պատրաստել խմորը
• Վերցնելու ենք մեկ կիլոգրամ մաղած ալյուր
• Ավելացնելու ենք 1 թեյի գդալ աղ
• Մեկ լիտր գոլ ջուր, ջուրը կավելացնենք քիչ-քիչ հունցելու ընթացքում
• Ստացվում է հաճելի պնդության խմոր, որը մի փոքր հարկավոր է հունցել ձեռքերով
• Այժմ մի նրբություն գաղտնիք․ եթե մեկ բուռ ձիթայուղով խմորի գունդը պատեք, այն շատ ավելի փափուկ և նուրբ խմոր կստացվի և այլևս չի կպչի
• Խմորը բաժանում ենք 4 գնդի դրանք պատում կերակրի թաղանթով և դնում ենք կողքի 30-40 րոպե հանգստանալու
• Միառժամանակ անց արդեն բացում ենք գունդը հնարավորինս բարակ, որքան կկարողանաք, այդ բարակությունն է որոշում ուտեստի նրբությունը
• Եթե ձեռքի տակ չունեք խոհարակական շրջանակ, տվյալ դեպքում ինձ նման, կարող եք վերցնել հարմար շրջանակաձև փական և բաժանել խմորը շրջանակաների
• Յուրաքանչյուր շրջանակը պետք է լցոնենք մեր խճողակով, որն արդեն սառել է և մեզ է սպասում
• Խմորից շրջանակները պետք է կիսալուսնաձև ծալենք, եզրերը կարենք մատներով, և ապա ձեռքի վարժ շարժումներով լրացուցիչ ամրացնենք գեղեցկություն և առավել կպչունություն հաղորդելով մեր ուտեստին

• Այս ուտեստը միգուցե շատ նման է պիլմենի+խինկալի խառնուրդին, բայց համով փաստացի ոչ այն է, ոչ էլ այն
• Սա մի յուրահատուկ թթվաշ, հյութեղ ջրալի խմորամսային ուտեստ է, որը միայն համտեսելուց հետո կկարողանաք գնահատել իրավմամբ
• Այժմ պետք է խաշենք եռացող ջրում, որին մեկ թեյի գդալ աղ պետք է ավելացնել
• Զգուշությամբ հատիկ-հատիկ իջեցնենք ջրի մեջ, լցնելուց հետո խառնենք գոնե մեկ անգամ, որպեսզի չկպչի կաթսայի հատակին
• Եփելու ենք մոտ 30 րոպե
• Հանելուց հետո սև պղպեղ ենք ցանում, ըստ ճաշակի կարելի է կիտրոն ճզմել վրան կամ քացախ լցնել մի փոքր լրացուցիչ թթվաշության համար
• Կտրենք ներսում հոնի հատիկով հիանանք, համտեսենք և մատուցենք։

Եթե հետքրքրեց ուտեստը, ապա խնդրում եմ լայք դրեք, գրեք ձեր կարծիքը, դա ինձ շատ հաճելի է։

Կըրծ խմորամսային ՈՒտեստ Տեսանյութ

Դե ինչ, բարի ախորժակ։