Կիևյան կոտլետներ. Դասական կոտլետի ամենահամեղ բաղադրատոմսը

Կիևյան կոտլետներ ՏԱՔ ՈՒՏԵՍՏՆԵՐ

Կիևյան կոտլետներ. Դասական կոտլետի ամենահամեղ բաղադրատոմսը, որը երբևէ փորձել եք: Արտաքինից ոսկեգույն ու փխրուն, դրանք ներսից քնքուշ ու հյութալի են:

Այս բաղադրատոմսից ձեր բոլոր հյուրերը կուրախանան, անկախ նրանից, թե որքան եք պատրաստել դրանցից, միևնույն է, քիչ կթվա:

Կիևյան կոտլետներ

Կիևյան կոտլետներ. Անհրաժեշտ բաղադրիչներ

  • Կարագ 200 գ
  • Կիտրոնի հյութ 1 թեյի գդալ
  • Սամիթ և մաղադանոս
  • Հավի կրծքամիս 4 հատ
  • Պղպեղ և աղ `ըստ ճաշակի

Հացաթխման համար.

  • Ալյուր 200 գ
  • Ձու 4-5 հատ
  • Բոքոն հաց
  • Զտված յուղ

Կիևյան կոտլետներ

Կիևյան կոտլետներ

Կիևյան կոտլետներ. Պատրաստման եղանակը

  1. Մանրացնել մաղադանոսը և սամիթը: Խառնել կանաչիներն ու փափուկ կարագը, աղ` ըստ ճաշակի, լցնել կիտրոնի հյութը, խառնել մինչև հարթ զանգված ստացվի: Այս խառնուրդը տեղափոխել սննդային թաղանթի վրա և ծալել երշիկի նման, դնել սառնարանը:
  2. Հավի կրծքամիսը երկայնքով կտրել երկու հավասար մասերի, դնել սննդային թաղանթի վրա և ծեծել մուրճով:
  3. Հանել սառեցված կարագը և կտրել այնքան կտորներ, որքան կոտլետներ են ստացվել:
  4. Պատրաստի հավի կրծքամսին աղ ու պղպեղ անել: Յուրաքանչյուր շերտի երկայնքով, կենտրոնում, դնել կարագի մի կտոր և ամուր փաթաթել այն: Այսպես ձևավորել բոլոր կոտլետները:
  5. Ձևավորված կոտլետները 30 րոպեով դնել սառցարան: Այդ ընթացքում պատրաստել թաթախումը: Դրա համար վերցնել խորը աման, կոտրել ձվերը դրա մեջ, թեթևակի աղ անել և պատառաքաղով հարել:
  6. Սպիտակ հացը բլենդերով մանրացնել մանր փշրանքներով: Այն լցնել առանձին ամանի մեջ: Ալյուրն էլ լցնել առանձին ամանի մեջ:
  7. Այժմ վերցնել կոտլետները, թաթախել ալյուրի մեջ, ապա թաթախել ձվի մեջ, դրանից հետո կոտլետը թաթախել հացի փշրանքների մեջ: Դրանից հետո կոտլետը նորից թաթախում ենք ձվի մեջ և նորից՝ հացի փշրանքների մեջ:
  8. Վերցնել խորը կաթսա, լցնել զտված յուղ, տաքացնել այն, կոտլետները դնել տաք յուղի մեջ, տապակել 1 րոպե մինչև ոսկե դարչնագույն կեղև ստացվի:
  9. Ջեռոցի ջերմաստիճանը հասցնել 180 աստիճան, կոտլետներն դնել տապակի վրա և ջեռոցում եփել մոտ 12-15 րոպե, մինչև կարմրի:

Կիևյան կոտլետներ

Կիևյան կոտլետները պատրաստ են: Շատ պայծառ ու հարուստ համ ունեն: Այս բաղադրատոմսով արժե պատրաստել:

Բարի ախորժակ

Տեսանյութ

Կոտլետների պատրաստման եղանակ

Facebook Comments
Խնդրում ենք Գնահատեք