Կոլոլակներով ապուր պատրաստեք ու կգոհացնեք ամբողջ ընտանիքին: Իսկ եթե դրան ավելացնեք վերմիշել, ապա կստանաք ապուրի ամենահայտնի և հաջող տարբերակը։
Կոլոլակով և վերմիշելով ապուրը մեր ընտանիքում սիրում են բոլորը՝ փոքրից մինչև մեծ: Ապուրը ստացվում է հարուստ և հագեցնող՝ շնորհիվ խոզի աղացած մսով կոլոլակների։ Այս ապուրի ավելի դիետիկ տարբերակը կարելի է պատրաստել հավի կոլոլակներով։ Կոլոլակները կարելի է նախապես շատ պատրաստել և պահել սառնարանում՝ ցանկացած պահի համեղ, տաք ճաշեր եփելու համար:
Կոլոլակներով ապուր. Բաղադրիչներ
_Ջուր – 1,7լ
_Խոզի աղացած միս — 230 գ
_Աղ — ըստ ճաշակի
_Սև աղացած պղպեղ — ըստ ճաշակի
_Սոխ — 1 հատ
_Գազար — 0,5 հատ
_Բուսական յուղ — 60 մլ
_Վերմիշել — 100 գ
_Կարտոֆիլ — 5 հատ
_Չորացրած մաղադանոս — ըստ ճաշակի
_Դափնու տերև — 1 հատ
Կոլոլակներով ապուր. Պատրաստման եղանակը
_Կարտոֆիլը մաքրել, կտրատել խորանարդիկներով, լցնել կաթսայի մեջ, ծածկել ջրով և դնել եփվելու: Եռալուց հետո ջրին աղ անել և կրակը թուլացնել:
_Աղացած խոզի մսին ավելացնել աղ և սև պղպեղ, խառնել։ Տապակելու համար կտրատել սոխը մանր խորանարդիկներով և գազարը մանրացնել քերիչով:
_Բուսական յուղի մեջ տապակել սոխն ու գազարը, աղացած մսից պատրաստել փոքրիկ կոլոլակ-գնդիկներ:
_Կոլոլակները լցնել եփած կարտոֆիլով կաթսայի մեջ։
_Երբ ուժեղ կրակի վրա եփվող մսագնդիկները լողան, տապակած սոխեռածն ու մանր վերմիշելը լցնել կաթսայի մեջ։
_Ապուրը եռացնել 8 րոպե՝ վերահսկելով ապուրի եռման աստիճանը, ափերի մեջ տրորելով լցնել չորացրած կանաչիներ կամ թարմը՝ մանր կտրատած, ավելացնել դափնու տերև և մի քիչ աղացած պղպեղ (եթե երեխաների համար եք ապուր պատրաստում, պղպեղը կարելի է բաց թողնել):
Ապուրը մի կողմ դնել, թողնել թրմվելու 5-6 րոպե, ապա լցնել ամանների մեջ և մատուցել։
Բարի ախորժակ!
Տեսանյութ
Կոլոլակով բրնձով փլավ
