Հավի կոտլետներ. Սերուցքային սոուսով ուտեստը Թռչնի կաթի նման փափուկ է ստացվում 

Հավի կոտլետներ ԱՐՏԱՍԱՀՄԱՆՅԱՆ ԽՈՀԱՆՈՑ

Հավի կոտլետներ. Սերուցքային սոուսով ուտեստը Թռչնի կաթի նման փափուկ է ստացվում

Սերուցքային սոուսով հավի կոտլետները շատ անուշաբույր, փափուկ և հյութալի նախուտեստ են, որոնք ձեզ անպայման դուր կգան:

Պատրաստեք այս կոտլետները և կստանաք ախորժելի և հագեցնող ընթրիք կամ ճաշ:

Հավի կոտլետներ

Հավի կոտլետներ. Անհրաժեշտ բաղադրիչները

_Աղացած հավի միս 900 գր

_Սոխ 1 հատ

_Ձու1 հատ

_Աղ, պղպեղ, համեմունքներ՝ ըստ ճաշակի

_Բոքոն 4 կտոր

_Մայոնեզ 3 ճաշի գդալ

_Յուղալի սերուցք կամ թթվասեր 200 մլ

Հավի կոտլետներ

Հավի կոտլետներ. Պատրաստման եղանակը

_Թրջել բոքոնը ջրով և թողնել, որ այն փափկի, ապա քամել և ավելացնել աղացած մսին:

_Քերել սոխը քերիչով կամ բլենդերով կտրատել, կարող եք նաև շատ մանր կտրատել դանակով:

_Աղացած միսը խառնել սոխի, բոքոնի, աղի և պղպեղի հետ, ավելացնել ձուն և համեմունքները:

Հուշում. Մի մոռացեք թարմ սամիթի և համեմի մասին, որոնք ստեղծում են կոտլետի յուրահատուկ համը և բույրը:

_Զանգվածին ավելացնել թթվասեր կամ մայոնեզ, լավ խառնել, մինչև հարթվի: Զանգվածը շատ թանձր չէ, բայց այդպես պետք է լինի:

_Տաքացնել բուսական յուղը տապակի մեջ և զանգվածը տարածել ճաշի գդալով:

_Տապակել երկու կողմից:

_Բոլոր կոտլետները պատրաստ լինելուց հետո դնել տապակի մեջ, վրան լցնել սերուցք կամ թթվասեր, ծածկել և եփել 10 րոպե:

Հավի կոտլետներ

Նման անուշաբույր և հյութալի ուտեստի հետ սովորաբար մատուցում են եփած բրինձ կամ կարտոֆիլով պյուրե, կարելի է մատուցել նաև թարմ բանջարեղենով աղցաններ կամ թթու բանջարեղեն:

Բարի ախորժակ:

Տեսանյութ

Իշլի քյուֆթա

Facebook Comments
Խնդրում ենք Գնահատեք