Հավի կրծքամսով ընթրիք. Կարտոֆիլով ու նուրբ մսով համեղ ուտեստը շատ հեշտ կպատրաստվի

Հավի կրծքամսով ընթրիք կպատրաստեք հետաքրքիր հնարքով:

Բժիշկներն ու դիետոլոգները խոսում են ամենօրյա սննդակարգում հավի կրծքամսի օգուտների մասին։ Սա եզակի մթերք է, որը պարունակում է լայն սպեկտրի վիտամիններ՝ A, B, C, H, PP:

Եփած հավի կրծքամիս ուտում են մարզիկները և նիհարելու ձգտող մարդիկ։ Մթերքը հագեցած է սպիտակուցով, որն անհրաժեշտ է լավ ֆիզիկական կազմվածքը պահպանելու համար։

Բացի այդ, կրծքամիսն օգնում է պայքարել լյարդի հիվանդությունների դեմ։ Իմունիտետի բարելավումը կախված է նաև նրանից, թե որքան հաճախ եք հավ եք ուտում: Զարմանալի չէ, որ բժիշկները մրսածության դեպքում խորհուրդ են տալիս հավի արգանակ:

Այսօր կպատրաստենք հավի կրծքամսով ընթրիք՝ պարզ, բայց հագեցնող:

Հավի կրծքամսով ընթրիք. Բաղադրիչները

_ հավի կրծքամիս — 300 գ

_ պանիր — 100 գ

_ կարտոֆիլ — 400 գ

_ ալյուր — 1,5 ճաշի գդալ

_ ջուր — 600 մլ

_ հավի ձու — 1 հատ

_ աղ — 0,5 թեյի գդալ

_ աղացած սև պղպեղ — 1/3 թեյի գդալ

Հավի կրծքամսով ընթրիք. Պատրաստման եղանակը

_ Կարտոֆիլը պետք է մաքրել և բանջարեղենը կեղևահանող հարմարանքով կտրատել բարակ շերտերով։

_ Այս կտորները պետք է թրջել ջրի մեջ և քամել ավելորդ խոնավությունից։

_ Կարտոֆիլի կտորներով ամանի մեջ լցնել աղ, սև պղպեղ և ալյուր: Ձուն հարել, լցնել զանգվածի մեջ և լավ խառնել։

_ Հավի կրծքամիսը հորիզոնական կտրել երկու մասի։ Միսը մանր կտրատել և խառնել կարտոֆիլի խառնուրդին։

_ Պանիրը մանր կտրատել։

_ Բուսական յուղով տապակի մեջ շարել կարտոֆիլ-մսային զանգվածի մի մասը, հավասարաչափ տարածել մակերեսի վրա։

_ Պանրի կտորները դնել այդ խառնուրդի վրա։

_ Պանիրը ծածկել զանգվածի երկրորդ մասով, նույնպես հավասարաչափ տարածել։

_ Ճաշատեսակը եփել 20 րոպե չափավոր ջերմության վրա՝ կափարիչով ծածկված։ Այնուհետև ափսեի օգնությամբ շրջել, երկրորդ կողմից տապակել 7 րոպե։

Այս պարզ եղանակով դուք կարող եք արագ ընթրիք պատրաստել ձեզ համար։

Բաղադրատոմսը հնարավորինս պարզ է՝ մատչելի մթերքներից։

Բարի ախորժակ:

Տեսանյութ

Ռուլետ հավի կրծքամսով