Անպայման պատրաստեք Մանդարինի լիկյոր: Առանց այս խմիչքի ոչ մի տոն լիարժեք չէ: Ձմռանը մանդարինները կարելի է գնել շատ մատչելի գներով, ուստի ցիտրուսային լիկյորը շատ էժան է ստացվում: Դուք դրա համար կվճարեք 10 անգամ ավելի քիչ, քան մեկ շիշ լավ ալկոհոլային խմիչքի համար։ Եվ այո, այն անչափ հեշտ է պատրաստվում:
Մանդարինի լիկյորը չափավոր քաղցր է, եթե ցանկանում եք, որ այն լինի առանց դառնության, աշխատեք քերել միայն ցիտրուսային մրգերի կեղևի մասը։ Ավելի փափուկ, սպիտակ մասը դառնություն կհաղորդի:
Մանդարինի լիկյոր. Անհրաժեշտ բաղադրիչներ
_ Մանդարիններ 20 հատ
_ Օղի 1,5լ
_ Դարչին 3 հատ
_ Շաքարավազ 300 գ
_ Ջուր 450 մլ
Մանդարինի լիկյոր. Պատրաստման եղանակը
_ Մանդարինները լավ լվանալ հոսող ջրի տակ։
_ Կեղևը կտրել բարակ շերտով, որպեսզի չդիպչեք դառը սպիտակ մասին:
_ Մանդարինի կեղևի վրա օղի լցնել։ Ավելացնել դարչինի ձողիկներ:
_ Ամուր փակել տարան և լավ թափահարել, դնել մութ տեղում, թողնել 7 օր:
_ Կեղևահան արված մանդարիններից քամել հյութը, լցնել կաթսայի մեջ, ավելացնել շաքարավազ և ջուր։
_ Օշարակը բերել եռման աստիճանի և եփել ևս 1 րոպե՝ անընդհատ խառնելով։
_ Սառելուց հետո մանդարինի օշարակը լցնել տարայի մեջ, ամուր փակել և մեկ շաբաթով դնել սառնարանում։
_ 7 օր անց քամեք թուրմը մանդարինի օշարակի մեջ, դնել սառնարանում ևս մեկ շաբաթ։
Տան պայմաններում մանդարինի լիկյոր պատրաստելն ամենևին էլ դժվար չէ, կհամոզվեք։
Օղիով ըմպելիքը չափավոր թունդ է ստացվում՝ մոտ 20 °: Եթե ուզում եք ավելի թունդ լինի, կարող եք պատրաստել մաքուր սպիրտով։ Այս դեպքում կստացվի մոտ 40 °:
Տնական լիկյորը շատ գրավիչ տեսք և իսկապես տոնական բույր ունի:
Բարի ախորժակ:
