Մեղրով Տորթ՝ Թափանցիկ, Նուրբ և Անչափ Համեղ

Այսօր թխում ենք մեղրով տորթ՝ թափանցիկ, նուրբ և անչափ համեղ։ Սա պատրաստման իմ տարբերակն է, որը կարող եք հարմարեցնել նաև ձեզ։

Մեղրով տորթ Բաղադրիչներ

Խմոր

• Շաքարավազ — 150գր․
• Կարագ — 100 գր․
• Մեղր — 3 ճ․գդ․
• Ալյուր — 500 գր․
• Կես թեյի գդալ աղ լցնենք
• Կես թեյի գդալ սոդա
• Կես թեյի գդալ փխրեցուցիչ կամ քացախ
• Կես թեյի գդալ վանիլին
• Ձու — 3 հ․

Մեղրով տորթ Կրեմ

• Շաքարավազ — 150գր․
• Ալյուր — 3 ճ․ գդ․
• Կաթ — 400 գր․
• Կարագ — 200 գր․

Մեղրով տորթ Քայլ առ քայլ

• Նախ կարգավորենք կարագի հարցը
• Հարկավոր է վերցնել համեղ կարագ, ես թխվածքների համար օգտագործում եմ Պրեզիդենտ կարագ
• 200 գրամ առանձնացնենք կրեմի համար, իսկ 100 գրամը խմորի, որպեսզի հասցնեն փափկել մինչ օգտագործելը
• Խմորի համար հարկավոր է 150 գրամ շաքարավազին ավելացնել մեր առանձնացրած կարագի 100 գրամը
• Հարկավոր է նաև մեղր 3 ճաշի գդալ, որքան համեղ լինի մեղրը, այնքան հետաքրքիր համ կունենա տորթը
• Այս զանգվածը պետք է դնենք գազօջախին եռացող ջրի վրա, գոլորշով եփելու համար
• Շարունակ հարկավոր է եփել տաք գոլորշու վրա արագ կարագը կհալվի, շաքարավազն էլ կլուծվի արդեն այս վիճակում պետք է ավելացնենք կես թեյի գդալ սոդա, որի արդյունքում զանգվածը կսկսի փրփրել
• Դա նորմալ է շարունակում ենք խառնել մինչև սկսի եռ գալ փրփրելով
• Եթե ցանկանում եք խմորները ավելի մուգ գույն ունենան, պետք է այս ստադիայում երկար պահել գոլորշու վրա մի որոշ ժամանակ եռալու, բայց պետք է զգույշ լինեք, չափազանց շատ եռացնելու դեպքում  կարող է դառնահամ գալ
• Ես մեկ եռ գալուց հետո անմիջապես վերցնում եմ, սպիտակ շերտեր ունենալու համար

• Կողքի դնենք որ այն սառչի, անցնենք փոշի զանգվածին
• Ալյուրը մաղենք մոր 400 գրամ նախնական վերցրեք, ընթացքում կավելացնենք
• Կես թեյի գդալ աղ լցնենք
• Կես թեյի գդալ սոդա
• Կես թեյի գդալ փխրեցուցիչ
• Կես թեյի գդալ վանիլին
• Մաղենք այն մեջտեղում փոս անենք
• 3 ձու կոտրենք մեջտեղում, մի փոքր խառնենք իրար
• Գոլորշու վրա եփված զանգվածը արդեն սառել է բավականին, հարելու ընթացքում սա էլ ավելացնենք ամբողջությամբ
• Հարկավոր է արդեն ձեռքերով հունցել
• Ալրոտենք սեղանը և ստացված խմորը դատարկենք սեղանին
• Մի փոքր հավաքենք կողքերից, հունցենք, չկպչող խմորի բաղադրության հասցնենք
• Բաժանելու ենք 6 գնդի, կարող եք նաև 4-ով բավարարվել, դա էական չէ, դոգմաներ խոհանոցում գույություն չունեն․ համենայն դեպս իմ խոհանոցում
• Գնդերը ցելոֆանապատենք, որպեսզի մինչը թխելը կեղև չկապի վրան
• Անմիջապես պետք է սկսենք թխել, որպեսզի մեղրն ու կարագը խմորի մեջ չհասցնեն շատ սառել և խմորը պնդացնել
• Հեշտության համար անմիջապես կալկայի վրա էլ կբացենք
• Կարելի նաև կլոր բացել, եթե ցանկանում եք կլոր տորթ ստանալ
• Թխելու ենք 140 աստիճանում 5-7 րոպե
• Շատ արագ են թխվում ուշադիր կլինեք այս ընթացքում, եթե մուգ գույնի սիրահար եք, կարող եք 10 րոպե թողնել
• Հեշտ պոկվում է կալկան շերտերից, արագ անցնում ենք հաջորդին
• Թխելուց հետո հարկավոր է եզրերից հավասարեցնել բոլոր շերտերը իրար,այս կտորտանքները նույնպես օգտագործելու ենք
• Այն լցնենք ձեռքի հարիչի մեջ, կարելի է և ձեռքով գործը գլուխ բերել, վերածելու ենք փշրանքների և դնենք կողքի
• Եփովի կրեմ ենք պատրաստելու
• 150 գրամ շաքարավազը երեք գդալ ալյուրի հետ խառնենք
• Վրան ավելացնենք 2 բաժակ կաթ, ընթացքում ալյուրն խառնելով, որպեսզի գնդիկներ չառաջանան
• Դնում ենք մարմանդ կրակի վրա եփվելու, հարկավոր է խառնել փայտե կամ սիլիկոնե գդալով, որպեսզի կրեմի գույնը չմգանա
• Այն անընդհատ պետք է խառնել, անգամ փոքր դադարի դեպքում անմիջապես գնդեր կձևավորվեն
• Մոտ 10 րոպե պետք կգա, նման խտություն ստանալու համար
• Էկլերի կրեմի համար ամբողջ կարագը և վանիլինը կլցնեինք այստեղ, այս պահին
• Բայց մեղրով տորթի դեպքում ես նախատեսված կարագի 1-3 մասը լցնում եմ այստեղ, մնացածը հարելով
• Կարագը հալվեց վերջ դնելու ենք կողքի, հաշվի առեք, որ սառելուց հետո էլ մի քիչ կպնդանա
• Ահա այսպիսի սպիտակ համեղ կրեմ ստացանք, եթե հանկարծ պահը բաց եք թողել գնդեր են առաջացել, պարզապես քամեք քամիչով, մեծ ողբերգություն չկա այդտեղ

• Կարագի մնացած մասը հարենք մի փոքր, վանիլին ավելացնենք վրան
• Ծորացնելով հարելու ընթացքում ավելացնենք եփովի կրեմը և շարունակենք հարել
• Մի պահ հնարավոր է փսորվի, շարունակում ենք հարել, դա նորմալ է, նշանակում է մի քանի րոպեից կրեմը կպնդանա և կձևավորվի ահա այսպես
• Այժմ տորթը հավաքելու ժամանակն է
• Շերտ առ շերտ կրեմը հավասարաչափ բաշխելով տարածում ենք
• Կարլեի էր և էկլերի կրեմով միացնել շերտերը, ավելի թեթև կստացվեր տորթը, դա էլ հաջորդ անգամ

• Վերջին շերտը դնելուց մի լավ սեղմում ենք բոլոր շերտերը, որպեսզի օդի մեջ չմնան և տեղավորվեն
• Վրայի շերտը պետք է պատենք մեր եզրերի փշուրներով
• Վերջ Մեղրով տորթը պատրաստ է, ցանկալի է մեկ գիշեր սառը տեղ թողնենք, առավոտյան նոր կկտրենք, որպեսզի կրեմն ամբողջությամբ քաշի իր մեջ
• Տեսեք ինչ թափանցիկ, նուրբ, արքայական մեղրով տորթ ստացանք
• Կարող եք ձեր պատրաստման բաղադրատոմսն ու նկարները ուղարկել մեզ ֆեյսբուքով կամ մեր բաց խմբի միջոցով, շատ հետաքրիր է թե դուք ինչպես եք պատրաստում

Մեղրով Տորթ՝ Թափանցիկ, Նուրբ — Տեսանյութ

Դե ինչ, Բարի ախորժակ։