Պատրաստենք Նարնջով աղանդեր, որն արտաքինից նման է դոնդողի, բայց ընդհանրապես ժելատին չի պարունակում։ Այստեղ օգտագործվում է եգիպտացորենի օսլա որպես խտացուցիչ:
Այս քաղցրավենիքի համար պետք է նարնջի թարմ հյութ, բայց եթե հնարավորություն չունեք մրգերից հյութ քամելու և որոշել եք այն գնել, ապա ուշադիր ուսումնասիրեք կազմը։ Անորակ արտադրանքը կարող է փչացնել համը։ Ի դեպ, այս աղանդերը հարմար է ինչպես դիետա պահողների, այնպես էլ վեգանների համար։
Նարնջով աղանդեր. Բաղադրիչներ
_Նարինջ 5–6 հատ
_Մեղր 2-3 ճաշի գդալ
_Եգիպտացորենի օսլա 65 գ
_Կոկոսի փաթիլներ ըստ ճաշակի
Նարնջով աղանդեր. Պատրաստման եղանակը
_Նարնջից քամել հյութը։ Պետք է ունենաք մոտավորապես 600 մլ: Դուք կարող եք օգտագործել խանութից գնված նարնջի հյութ, բայց առանց հավելումների:
_Հյութը քամել մաղի միջով, որպեսզի միջուկը հեռացվի, ապա վրան ավելացրեք հեղուկ մեղր։ Մեղրի քանակը կախված է մրգի քաղցրությունից և ձեր նախասիրությունից։
_Ավելացնել օսլան ու հարիչով լավ խառնել։ Դնել թույլ կրակի վրա և անընդհատ խառնելով հասցնել եռման աստիճանի։
_25x15 սմ ուղղանկյուն կաղապարը յուղել բուսայուղով կամ ծածկել թաղանթով։
_Լցնել զանգվածը, բահիկով հարթեցնել և թողնել, որ սառչի։
_Դեսերտը ծածկել թաղանթով և դնել սառնարանում 2-3 ժամ։
_Կաղապարից հանում ենք աղանդերի շերտը և կտրատել մասերի։ Յուրաքանչյուրը թաթախել կոկոսի փաթիլների մեջ։
Մրգային աղանդերը կարող եք զարդարել անանուխի թարմ տերևներով և հատապտուղներով։
Նրբությունն աներևակայելի քնքուշ է և թեթև։ Նույնիսկ հագեցնող ճաշից հետո դուք կարող եք վայելել մեկ կամ երկու կտոր: Բերանում կմնա թարմացնող ցիտրուսային հետհամ հազիվ նկատելի մեղրի նոտաներով:
Համոզված եմ, որ այն ձեզ դուր կգա:
Բարի ախորժակ:
Տեսանյութ
Բանանը ջեռոցում շոկոլադե գլազուրով
