Ես փորձել եմ շատ տարբեր բաղադրատոմսեր շերտավոր խմորի համար:
Բայց երբեմն դրանք ոչ այնքան համեղ են կամ շատ չարչարանք են պահանջում: Իսկ այս բաղադրատոմսը շատ պարզ է, և որ ամենակարևորն է՝ արագ է ստացվում։
Այս խմորը շատ բազմակողմանի է, հարմար է ինչպես պիցցայի, այնպես էլ կրուասանի համար: Շերտավոր խմորով կարկանդակները պարզապես հիանալի են ստացվում:
Շերտավոր խմոր. Անհրաժեշտ բաղադրիչները
_Կարագ 1 տուփ
_Ալյուր 2 բաժակ
_Շաքարավազ 1 թեյի գդալ
_Աղ 1/4 թեյի գդալ
_Սառը ջուր 2/3 բաժակ
Պատրաստման եղանակը
_Ալյուրը լցնել խորը ամանի մեջ, կարագը քերիչով անցկացնել և ավելացնել ալյուրի մեջ և զգուշորեն խառնել։
_Այնուհետև ավելացնել շաքարավազը և աղը, լավ խառնել: Այդ զանգվածի մեջ փոսիկ անել և վրան աստիճանաբար լցնել ջուրը (սառույցով, կամ շատ սառը):
_Արագ շարժումներով սկսել խմոր հունցել, որպեսզի կարագը ժամանակ չունենա հալվելու։
_Խմորը ծածկել պոլիէթիլենային թաղանթով և դնել սառնարանը մեկ ժամով։
_Հանել սառնարանից, սեղանին ալյուր ցանել և գրտնակել, ոչ ուժեղ, կոկիկ շարժումներով, ծրարաձև ծալել և նորից գրտնակել։
Այսպիսով, շերտավորը խմորը 10 րոպեում պատրաստ է:
Դուք կարող եք թխել այն, ինչ ուզում եք: Շատ համեղ կստացվի։
Բարի ախորժակ:
Տեսանյութ
Շերտավոր խմոր
