Շոկոլադե տորթ Խլուրդի բույն. Նուրբ ու եթերային, բալով թխվածք

Շոկոլադե տորթ ՔԱՂՑՐԱՎԵՆԻՔ

Առաջարկում ենք թխել շոկոլադե տորթ Խլուրդի բույն: Այն շատ պարզ է պատրաստվում և ձեզանից հատուկ հրուշակագործի հմտություններ չի պահանջում։

Այն բավականին տպավորիչ տեսք ունի, և հյուրերն անշուշտ, կցանկանան ճաշակել: Կրեմի շնորհիվ տորթը թեթև է ստացվում, և այն հաստատ կարելի է վայելել նույնիսկ ամենաառատ հյուրասիրությունից հետո։

Շոկոլադե տորթ

Շոկոլադե տորթ Խլուրդի բույն. Անհրաժեշտ բաղադրիչները

_Կարագ — 180 գ

_Շաքարավազ — 150 գ

_Ձու — 5 հատ

_Ալյուր — 100 գ

_Նուշ — 100 գ

_Փխրեցուցիչ — 1 ճաշի գդալ

_Կակաոյի փոշի — 40 գ

_Սերուցք — 400 մլ 33% յուղայնության

_Սերուցքային պանիր — 100 գ

_Շաքարի փոշի — 40 գ

_Բալ — 400 գ

Շոկոլադե տորթ

Շոկոլադե տորթ Խլուրդի բույն. Պատրաստման եղանակը

_Պատրաստեք մթերքները շոկոլադե տորթի խմորի համար։ Կարագը նախապես հանել սառնարանից, որպեսզի բավականաչափ փափկի։

_Նուշը եռացրած ջրով թրջել, կեղևը մաքրել և մի փոքր չորացնել չոր տապակի մեջ, այնուհետև ալյուրի վերածել։

_Կարող եք օգտագործել պատրաստի նուշի ալյուրը։ Որպես այլընտրանք, նուշը փոխարինեք նույն քանակությամբ ալյուրով։

_Ձևամանի ներքևի մասում յուղաթուղթ փռել, իսկ կողերը կարագով յուղել:

_Ձևամանի իդեալական չափը 18-20 սմ է, միացրեք ջեռոցը և տաքացրեք մինչև 180 աստիճան։

_Հարիչի ամանի մեջ լցնել կարագն ու շաքարավազը և հարել սկզբում ցածր, ապա բարձր արագությամբ, մինչև փարթամ, թեթև զանգված ստացվի։

_Հարել 3-5 րոպե՝ կախված հարիչի հզորությունից։ Առանց հարելը դադարեցնելու, հերթով ավելացնել ձվերը: Հարեք ևս 5-7 րոպե։

_Ալյուրն առանձին խառնել կակաոյի փոշու, փխրեցուցիչի և նուշի ալյուրի հետ։

_Խմորը կարող եք պատրաստել առանց կակաո ավելացնելու, բայց այն պետք է փոխարինել նույն քանակությամբ ալյուրով։

_Ձվի և կարագի զանգվածի մեջ լցնել ալյուրի և կակաոյի փոշու խառնուրդը և բահիկով զգուշորեն խառնել, մինչև բաղադրիչները լիովին միանան։

_Խմորը լցնել ձևամանի մեջ և թխել 50-60 րոպե։

_Պատրաստի բիիսկվիթն ի վերջո բավականաչափ խոնավ կլինի, բայց պետք է լավ թխվի, այսինքն՝ չոփիկի վրա հում խմոր չմնա։

_Պատրաստի տորթը հովացնել, փաթեթավորել սննդային թաղանթով և թողնել ամբողջ գիշեր։

_Հաջորդ օրը թխվածքի վերին մասը կտրել և գդալով զգուշորեն հանել միջուկը՝ թողնելով ներքևի և կողքերի հաստությունը մոտ 1,5-2 սմ։

Շոկոլադե տորթ

_Խմորի միջուկը մանրացնել փոքր կտորներով:

_Պատրաստեք մթերքները կրեմի համար։ Այս բաղադրատոմսով բալը կարելի է փոխարինել ելակով կամ նույնիսկ բանանով։ Հատապտուղները կարելի է վերցնել ինչպես թարմ, այնպես էլ սառեցված:

_Հարիչի ամանի մեջ հարել սառը սերուցքը սերուցքային պանրի և շաքարի փոշու հետ մինչև փարթամ զանգված ստացվի:

_Սառեցրած բալը հալեցնել՝ ամբողջությամբ քամելով հեղուկը։

_Ըստ ցանկության կարող եք ավելացնել մեկ տուփ սերուցքի կայունացուցիչ, որպեսզի պատրաստի կրեմն ավելի լավ պահպանի իր ձևը։

Շոկոլադե տորթ

_Կրեմին ավելացնել շոկոլադե խմորի կտորները, բալը և խառնել։

_Կրեմը դնել խմորի փոսիկ մեջ ձևավորել, շաղ տալ մնացած շոկոլադե փշուրները։

_Դնել սառնարանը առնվազն 30 րոպե, որպեսզի կրեմը կայունանա և տորթը մի փոքր ներծծվի։

Շոկոլադե տորթ

Այս տորթը կարող եք պատրաստել մի քանի փուլով՝ տոնից 1-2 օր առաջ կարող եք շոկոլադե բիսկվիթը թխել։

Տոնի օրը (օրինակ՝ առավոտյան) կրեմ պատրաստեք ու հիմքը լցրեք, իսկ հետո դրեք սառնարանը։

Շոկոլադե տորթ

Շոկոլադե տորթ Խլուրդի բույնը բալով պատրաստ է։

Բարի ախորժակ!

Facebook Comments
Խնդրում ենք Գնահատեք