Այս անգամ ձեզ ենք առաջարկում Պասային տնական մայոնեզ պատրաստելու թերևս ամենահաջող և առողջարար տարբերակը։ Այն կհամապատասխանի բոլոր, առանց բացառության, համեղ ուտելու սիրահարներին, նույնիսկ ծոմ պահելու ժամանակ, քանի որ այն չի պարունակում կենդանական ծագման բաղադրիչներ։ Ավելին, այն պատրաստվում է ամենաօգտակար կտավատի ալյուրի հիման վրա։
Այսօր համացանցի յուրաքանչյուր անկյուն լի է մայոնեզի վնասակարության մասին տեղեկություններով։ Հայտնի ֆրանսիական սոուսը խորհուրդ է տրվում փոխարինել բուսական յուղով, թթվասերով կամ բնական մածունով։ Բայց ի՞նչ անել, եթե չես ուզում և չես կարող առանց այս ապրանքի: Պատասխանը պարզ է՝ մի վախեցեք և ինքներդ պատրաստեք։
Պասային տնական մայոնեզ. Բաղադրիչներ
_Կտավատի ալյուր 2 ճաշի գդալ
_Արևածաղկի ձեթ 125 մլ
_Ջուր 60 մլ
_Կիտրոնի հյութ 2 ճաշի գդալ
_Մանանեխ 1,5 թեյի գդալ
_Աղ՝ ըստ ճաշակի
_Շաքար՝ ըստ ճաշակի
Պասային տնական մայոնեզ. Պատրաստման եղանակը
_Կաթսայի մեջ լցնել կտավատի ալյուրը, լցնել ջուրը, դնել դանդաղ կրակի վրա և անընդհատ խառնելով, զանգվածը հասցնել խտության։
_Այնուհետև կաթսան հանել կրակից և պարունակությունը սառեցնել մինչև սենյակային ջերմաստիճան։
_Աղ անել խառնուրդին, ավելացնել քաղցրացուցիչը և սկսել հարել։
_Աստիճանաբար զանգվածին ավելացնել 1 ճաշի գդալ արևածաղկի ձեթ.
_Շարունակել հարել զանգվածը մինչև հարթ լինի, այնուհետև լցնել կիտրոնի հյութը, ավելացնել մանանեխն ու համեմունքները՝ ըստ ճաշակի, խառնել և վերջ:
Պահքի սոուսը պատրաստ է:
Բարի ախորժակ:
Տեսանյութ
Տնական մայոնեզ
