Պիրոգ Նապոլեոն. Իդեալական համեղ և հագեցնող խորտիկ ընտանեկան ընթրիքին

Պիրոգ Նապոլեոն ՏԱՔ ՈՒՏԵՍՏՆԵՐ

Ձեր հյուրընկալ սեղանի զարդ կդառնա Պիրոգ Նապոլեոնը: Այս կարկանդակն ավելի լավ է պատրաստելուց հետո անմիջապես մատուցել սեղանին, որպեսզի խրթխրթան շերտը չփափկի։

Պիրոգ Նապոլեոն

Պիրոգ Նապոլեոն. Անհրաժեշտ բաղադրիչները

_Շերտավոր խմոր 1,5 կգ

_Շամպինիոններ 500 գր

_Ձու 6 հատ

_Հավի կրծքամիս 3 հատ

_Սոխ 2 հատ

_Աղ, սև պղպեղ՝ ըստ ճաշակի

_Կոշտ պանիր 100 գր

_Մայոնեզ՝ ըստ ճաշակի

_Բուսական յուղ՝ ըստ ճաշակի

Պիրոգ Նապոլեոն

Պիրոգ Նապոլեոն. Պատրաստման եղանակը

_Միսը սովորական եղանակով տապակել, թողնել սառչի։

_Խմորը բաժանել 7 մասի և գրտնակել բարակ շերտերով և շրջանաձև կամ քառակուսի կտրատել, կախված նրանից, թե ինչ ձևով եք ցանկանում պատրաստել։

_Ջեռոցը տաքացնել 180 աստիճան։

_Ջեռոցի տապակին ցանել ալյուր և դնել խմորի շերտը, ծակծկել պատառաքաղով:

_Թխել շերտերը և ավելացած կտորները 15-20 րոպե:

_Երբ սառչեն՝ կտորտանքները փշրանքների վերածել:

_Կրծքամիսը կտորներով կտրատել։

_Կտրել սոխը և տապակել մինչև կիսաթափանցիկ դառնա:

_Սունկը կտրատել բարակ շերտերով ու լցնել սոխի վրա, տապակել այնքան, մինչև խոնավությունը գոլորշիանա, համեմել աղով ու պղպեղով՝ ըստ ճաշակի։

_Ձվերը եփել և քերել խոշոր քերիչով։

_Ջեռոցի տապակի վրա պիրոգը ձևավորել։

_Առաջին շերտը դնել և ծածկել մայոնեզով, լցնել մսի կեսը, ծածկել մայոնեզով և դնել երկրորդ շերտը։

_Սնկի կեսը լցնել, մայոնեզի ցանց անել, շերտը դնել, մի փոքր սեղմել, ծածկել մայոնեզով։

_Լցնել ձվերի կեսը և մայոնեզի ցանց պատրաստել։

_Այդպես շարունակել մնացած շերտերով և լցոնով:

_Պիրոգը կարելի է կտրել և վրան և կողքերը պատել մայոնեզով:

_Ջեռոցը տաքացնել 180 աստիճանով և թխել 15 րոպե։

Պիրոգ Նապոլեոն

Մատուցել տաք վիճակում, կանաչիներով կամ փշրանքներով զարդարված։

Բարի ախորժակ:

Տեսանյութ

Պիրոգ Ֆրանսիական Քիշ լորեն

Facebook Comments
Խնդրում ենք Գնահատեք