Սնկով ջեռեփուկ. Կարտոֆիլով և հավի մսով ընթրիք

Սնկով ջեռեփուկ. Կարտոֆիլով և հավի մսով ընթրիք

Կարտոֆիլով ջեռեփուկը սնկով. Բոլոր գործերը մի կողմ դրած, անմիջապես կգնաք խոհանոց, հենց պատկերացնեք, թե որքան համեղ է դա:

Չնայած նման պարզ մթերքների համադրությանը, այս ջեռեփուկը շատ է հիշեցնում ժուլիեն, բայց այս դեպքում շատ ավելի հետաքրքիր բան է ստացվում, որովհետև սրանով դուք կարող եք արագ կերակրել ամբողջ ընտանիքին՝ պատրաստելով հագեցնող և աներևակայելի համեղ ուտելիք:

Սնկով ջեռեփուկ. Անհրաժեշտ բաղադրիչները

• 400 գրամ հավի կրծքամիս
• 8-9 հատ կարտոֆիլ
• 12-13 շամպինիոն
• 1 հատ սոխ
• 2 ճաշի գդալ թթվասեր
• 2 ճաշի գդալ ալյուր
• 300 մլ սերուցք
• 100 մլ կաթ
• 150 գրամ պանիր
• աղ, պղպեղ` ըստ ճաշակի

Սնկով ջեռեփուկ. Պատրաստման եղանակը

1. Մաքրել բանջրեղենը, սոխը մանրացնել, սունկը և կարտոֆիլը կտրատել շերտերով:
2. Հավի կրծքամիսը մանրացնել խորանարդիկներով:
3. Տապակել սունկը և սոխը բուսական յուղով, նույն տապակի մեջ:
4. Կարտոֆիլը խաշել եռացող ջրի մեջ 1-2 րոպե:
5. Հավի կրծքամիսը կարելի է տապակել յուղով տապակի մեջ կամ նախապես խաշել, ինչպես ցանկանում եք:
6. Ջեռոցի ձևամանի հատակին կարտոֆիլ լցնել, ապա հավի միս, հետո քերած պանիր, սոխ ու սունկ:
7. Պատրաստել սոուսը. Ամանի մեջ խառնել թթվասերը, կաթը և սերուցքը, դնել կրակին:
8. Աստիճանաբար լցնելով ալյուրը, խառնելով, եփել եռալու պահից 2-3 րոպե:
9. Բոլոր բաղադրիչների վրա լցնել ստացված սոուսը, կես ժամով դնել 200 °C տաքացրած ջեռոցում:

Բուրավետ և շատ համեղ սնկով ջեռեփուկը պատրաստ է: Այն կարելի է մատուցել և՛ տաք, և՛ սառը վիճակում: Այն հաստատ կգոհացնի ձեզ:

Բարի ախորժակ!

Տեսանյութ

Տավարի մսով ջեռեփուկ