Փխրուն թխվածքաբլիթներ. Անուշահամ քաղցրավենիք փոքրիկների համար

Բուսական յուղով խրթխրթան Փխրուն թխվածքաբլիթների ամենահամեղ և արագ բաղադրատոմսերից մեկը։

Ամեն ինչ շատ պարզ է, բայց արդյունքը պարզապես գերազանց է։

Փխրուն թխվածքաբլիթներ. Անհրաժեշտ բաղադրիչները

_Ձու 1 հատ

_Բուսական յուղ 100 մլ

_Շաքարավազ 100 գր

_Փխրեցուցիչ 1 թեյի գդալ

_Ալյուր 280 գր

_Շաքարավազ՝ ցանելու համար

Փխրուն թխվածքաբլիթներ. Պատրաստման եղանակը

_Բուսական յուղը խառնել ձվի, շաքարավազի հետ, հարել այնքան, մինչև շաքարը հալչի։

_Ալյուրը մաղել և խառնել փխրեցուցիչի հետ։

_Ալյուրը մաս-մաս լցնել զանգվածի մեջ և հունցել փափուկ և ճկուն խմոր։

_Երբ զանգվածը դադարի կպչել ձեռքերին՝ խմորը պատրաստ է։

_Խմորը բաժանեք ընկույզի չափ գնդիկների։

_Մի կողմը թաթախել շաքարավազի մեջ, սեղմել, տափակեցնել, բաժակի օգնությամբ վրան գծիկներ անել:

_Կարելի է պատրաստել ցանկացած ձևի թխվածքաբլիթներ, բայց պետք է դրանց հաստությունը լինի առնվազն 5 մմ։

_Ցանել կարելի է շաքարավազ և դարչին, կակաչի սերմեր, կտրատած ընկույզ՝ ըստ ճաշակի։

_Ջեռոցի տապակը ծածկել յուղաթղթով և շարել թխվածքաբլիթները։

_Թխել 180 աստիճանով մոտ 25 րոպե մինչև ոսկե դարչնագույնը:

Ստանում եք այնպիսի խրթխրթան և մատչելի թխվածքաբլիթներ, ամեն ինչ շատ պարզ է և արագ, հիանալի բաղադրատոմս, այն դեպքերի համար, եթե շեմին հյուրեր կան, իսկ թեյի համար ոչինչ չկա:

Եթե ձեռքի տակ ​​շոկոլադե սալիկ կա, կարող եք հալեցնել այն և թխվածքաբլիթները թաթախել շոկոլադի մեջ, այս դեպքում խրթխրթան հրաշքը կունենա նաև շոկոլադե համ և բույր։

Բարի ախորժակ:

Տեսանյութ

Արագ պեսոչնի պեչենի