Այսօր կպատրաստենք համեղ տորթ Միկադո, կներկայացնեմ իմ արագ և հեշտ տարբերակը պատրաստման։
Տորթ Միկադո Բաղադրիչներ
Միկադո Խմոր
_Ձու — 4 հատ
_Շաքարավազ — 200 գր․
_Կարագ Պրեզիդենտ — 200 գր․
_Թթվասեր — 200 գր․
_Ալյուր — 500 գր․
Միկադո Կրեմ
_Կարագ Պրեզիդենտ — 250 գր․
_Խտացրած կաթ — 2 բանակ
_Աղ մեկ պտղունց
Թրջոց
_Ջուր 25 գր + Կոնյակ 25 գր + Դարչին
Տորթ Միկադո Քայլ առ քայլ
_Նախ կարագը հանենք սառնարանից, որպեսզի փափկի
_Ես համեղ թխվածք ստանալու համար օգտագործում եմ Պրեզիդենտ կարագ, միանգամից գնում եմ կլոր կիլոգրամանոց տուփ, որը կեղծելու հավանականությունը նվազագույն է, առավել մատչելի է այսպես, գծանշումը հեշտացում է մեր գործը, 200 գրամ դնենք կողքի փափկելու
_4 ձուն լցնում ենք հարիչի մեջ
_Ավելացնում ենք շաքարավազ, մի փոքր հարել
_Այնուհետև ավելացնում ենք արդեն փափկած կարագը
_200 գրամ թթվասերը կլցնենք, սոդան կավելացնենք ոչ թե թթվասերի մեջ, այլ փոշի բաղադրիչի ալյուրի հետ
_Հարենք, լրիվ լուծվեցին բաղադրիչները
_Արդեն ալյուրը կավելացնենք որի վրա կլցնենք 1 լիքը թեյի գդալ սոդա
_Ես կակաո խմորի մեջ չեմ լցնում, որպեսզի շերտերը սպիտակ ստացվեն, ես այդպես եմ սիրում, բայց դասական բաղադրատոմսում 2 ճաշի գդալ կակաո է նախատեսված
_Մոտ 500 գրամ ալյուրը խմորի մեջ լցնելուց հետո, արդեն կարող ենք այն սեղանին լցնել, լավ ալրոտել և սկսել խմորը հունցել
_Պետք է ստացվի ձեռքերին չկպչող փափուկ հաճելի խմոր, ընթացքում այս բաղադրությանը հասնելու անհրաժեշտ է չափով ալյուր ենք ավելացնում
_Բաժանում ենք 8 հավասար գնդերի, ցելոֆանապատում և դնում մի կողմ մոտ կես ժամով
_Իսկ այդ ընթացքում կրեմը կպատրաստենք
_Իսկական համեղ կրեմ ստանալու համար ես վերցնում եմ Պրեզիդենտ ֆրանսիական կարագ, այս դեպքում 125 գրամանոց 2 տուփ, որպեսզի կրեմս ստացվի նուրբ և յուրահատուկ համով
_Այն արդեն լավ փափկել է, հարենք մի փոքր
_Ավելացնենք եփած խտացրած կաթի 2 տուփ
_Ուշադրություն, կրեմին ես նաև մեկ պտղունց աղ եմ ավելացնում, աղի համը ընդգծում է կրեմի քաղցրությունը, դուք էլ սովորություն դարձրեք, բոլոր հրուշակագործները օգտագործում են այս հնարքը
_Հարեցինք կրեմը, վերջ դնում ենք կողքի
_Այժմ գնդերը հերթով կբացենք, շատ հաճելի, փափուկ խմոր է․ գրդնակը ինքնուրույն գլորվում է
_Կալկայի չափերով հավասարեցնենք անհրաժեշտության դեպքում և թխենք 140 աստիճանում մոտ 5-7 րոպե
_Շատ արագ են թխվում և հեշտ առանձնանում
_Մինչ շերտերը մի փոքր կսառչեն, մենք պատրաստենք թրջոց խմորների համար
_25 գրամ ջրին ավելացնենք 25 գրամ կոնյակ և մեկ պտղունց դարչին, խառնենք դնենք կողքի
_Այժմ միկադոն հավաքելու ժամանակն է, խմորի շերտը ցողենք այս թրջոցով դրանք առավել փափուկ և համեղ դարձնելու համար, և կրեմը հնարավորինս հաստ շերտով քսենք յուարաքանչյուրի վրա, նույն հաջորդականությամբ
_Վերևի շերտի վրա կակոի փոշի ցանենք և շոկոլադե սալիկ քերենք
_Այժմ միկադոն պետք է 2-3 ժամ, հնարավորության դեպքում ողջ գիշեր պահեք սառը տեղում փափկելու և կրեմը քաշելու համար
_Կտրատենք, սուրճը պատրաստենք և ըմբոշխնենք
Անմահական Համեղ և Նուրբ ՏՈՐԹ ՄԻԿԱԴՈ տատիկիս բաղադրատոմսը Տեսանյութ
Դե ինչ, բարի ախորժակ։