Դուք չեք փոշմանի Ապխտած հավի կրծքամիս պատրաստելով: Ձեզնից կպահանջվեն նվազագույն ծախսեր, և՛ ֆինանսական, և՛ ժամանակի առումով, և կավելանա այն զգացումը, որ դուք կարող եք այդպիսի համեղություն պատրաստել տան պայմաններում:
Այս կերպ պատրաստած ապուխտը նույնպես պետք է կտրատել բարակ կտորներով և մատուցել սովորական ապուխտի պես:
Ապխտած հավի կրծքամիս. Անհրաժեշտ բաղադրիչները
_1 կգ հավի կրծքամիս
_5 թեյի գդալ աղ
_2 թեյի գդալ համեմի սերմեր
_5 հատիկ պղպեղ
_3 թեյի գդալ աղացած պապրիկա
_1 թեյի գդալ աղացած սև պղպեղ
Ապխտած հավի կրծքամիս. Պատրաստման եղանակը քայլ առ քայլ
_Լավ լվանալ հավի կրծքամիսը և չորացնել այն թղթե սրբիչով:
_Դրանից հետո յուրաքանչյուր կրծքամիս երկայնքով կտրել 2 մասի: Դրանից հետո կտրել այս կեսերը ևս 2 կտորի երկարությամբ: Արդյունքում պետք է ստացվի կրծքամսի մոտավորապես նույն չափի 4 կտոր:
_Հավանգի մեջ մանրացնել բուրավետ պղպեղը և համեմի սերմը: Ավելացնել աղ, պապրիկա և սև պղպեղ խառնել:
_Թաթախել կրծքամիսը այդ խառնուրդի մեջ, այնպես, որ այն ամբողջովին ծածկված լինի: Կարելի է մսին մի փոքր սեղմել խառնուրդը ձեռքերով:
_Պատրաստի կրծքամիսը դնել հարմար ամանի մեջ և ծանրոց դնել վրան: Ծանրոց դնելը պարտադիր է: Հիշեք, որ բեռը պետք է ճնշի բոլոր մսակտորները, լավագույնն այն կլինի, որ վերցնեք ջրով լցված ավելի փոքր տարա:
_Դնել սառնարանում 6-8 ժամ և ոչ ավելի:
_Նշված ժամանակից հետո կրծքամսի յուրաքանչյուր կտոր մանրակրկիտ լվանալ հոսող ջրի տակ՝ թույլ սեղմելով այն ձեր ափի մեջ: Եթե ձեզ թվում էր, որ միսը չափազանց աղի է, ապա թրջեք այն ջրի մեջ ևս 30 րոպե, իսկ հետո նորից լվացեք: Երբեմն աղի որակը տարբեր է լինում, և կրծքամսի համը կարող է տարբեր լինել:
_Յուրաքանչյուր կտորը չորացնել թղթե սրբիչով և թեթևակի թաթախել պապրիկայի մեջ:
_Այժմ կրծքամիսը պետք է չորացնել, այն կարելի է կախել կեռիկից, կամ շարել որևէ շամփուրի վրա ու հարմարեցնել որևէ կերպ, որ միսը բոլոր կողմերից օդի մեջ լինի:
Ցանկալի է, որ չորացման ընթացքում սենյակն օդափոխվի:
Կրծքամիսն այսպես թողեք 12-16 ժամ:
Ապխտած հավի կրծքամիսը պատրաստ է:
Բարի ախորժակ:
Տեսանյութ
Հավի ապուխտ
