Բանջարեղենային ռագու խոհարարական տոպրակի մեջ:
Լավ է, երբ պետք չէ երկար մտածել այն մասին, թե ինչ պետք է պատրաստել ճաշի կամ ընթրիքի համար: Ամռանը այս հարցերն ավելի հեշտ են լուծվում: Միշտ կարող եք բանջարեղենը մանրացնել աղցանի համար կամ ջեռոցում տապակել դրանք: Նվազագույն ջանքերով և համեղ ու առողջ խորտիկն արդեն սեղանի վրա կլինի: Եթե օգտագործեք խոհարարական տոպրակ, այդ դեպքում հարկ չի լինի նույնիսկ լվանալ ամանները:
Բաղադրաոմսի գեղեցկությունն այն է, որ կարող եք օգտագործել այն բանջարեղենը, որը ձեզ դուր է գալիս: Տոպրակի մեջ թխելու դեպքում կերակուրը կդառնա ավելի հյութեղ և կպահպանի բոլոր բույրերը: Այս թեթև և ցածր կալորիականությամբ խորտիկը կգոհացնի առողջ սննդի բոլոր սիրահարներին:
Բանջարեղենային ռագու. Բաղադրությունը
_Դդմիկ 1 հատ
_Սմբուկ 1 հատ
_Բուլղարական պղպեղ 1 հատ
_Լոլիկ 2 հատ
_Սոխ 1 հատ
_Սխտոր 5 պճեղ
_Կծու պղպեղ (խալապենյո) 0,5 հատ
_Սոյայի սոուս 2 ճաշի գդալ
_Բալզամիկ քացախ 0,5 ճաշի գդալ
_Աղ 2 թեյի գդալ
_Շաքարավազ 1 թեյի գդալ
_Արևածաղկի ձեթ 3 ճաշի գդալ
_Կետչուպ 2 ճաշի գդալ
_Կանաչի 0,5 փունջ
_Գազար 1 հատ
Բանջարեղենային ռագու. Խոհարարություն
_Լվանալ և կտրատել սմբուկը, դդմիկը և լոլիկը:
_Մաքրել սոխը և պղպեղը, կտրեք փոքր խորանարդիկներով, իսկ խալապենյո պղպեղն ու գազարը բարակ շերտերով:
_Խառնել բանջարեղենը խորը ամանի մեջ, ճզմել սխտորը, բացի կանաչիներից մնացած բաղադրիչներն ավելացնել, լավ խառնել:
_Լցնել բանջարեղենի խառնուրդը խոհարարական տոպրակի մեջ: Կապել երկու կողմերից և տոպրակը դնել ջեռոցի տապակի վրա:
_Եփել ջեռոցում 190 աստիճանի տակ` մեկ ժամ:
Ռագուն կարելի է տաք վիճակում մատուցել, կամ թողնել սառչի: Վրան լցնել կտրատած կանաչիներ և մատուցել խորտիկը:
Այս ուտեստը կատարյալ է որպես ճաշի կողմնակի ուտեստ կամ որպես թեթև ամառային խորտիկ: Համեղ կլինի ամեն դեպքում:
Բանջարեղենային ռագուն պատրաստ է:
Բարի ախորժակ: