Բրոկոլիով աղցան. Յուրաքանչյուր տանտիկին կկարողանա իր նրբերանգներն ավելացնել և բառացիորեն մի քանի րոպեում կարելի է պատրաստել շատ համեղ բրոկոլիով աղցան:
Բրոկոլին սկսում է նվաճել իր դիրքը մեր խոհանոցում և քանի որ այն շատ առողջարար է, առաջարկում ենք սկսել աղցանների նոր տարբերակներ այս բանջարեղենով:
Պարզ աղցանի բաղադրատոմսը ձեր սեղանին կդնի օրիգինալ ուտեստ: Այս աղցանը քնքուշ և թեթև է: Խաղողն ուտեստին յուրահատուկ համ է տալիս:
Բրոկոլիով աղցան. Անհրաժեշտ բաղադրիչներ
_ 1 գլուխ բրոկոլի
_ 2 հատ կարմիր խնձոր
_ 1 քաղցր սոխ
_ 100 գրամ քիշմիշ խաղող
_ 5 ճաշի գդալ խնձորի քացախ
_1 ճաշի գդալ դիժոնյան մանանեխ
_ 1 թեյի գդալ թարմ կոճապղպեղ
_Ձիթայուղ
Բրոկոլիով աղցան. Պատրաստման եղանակը
_Բրոկոլին բաժանել ծաղկաբույլերով և լցնել դրանք եռացրած ջրի մեջ մոտ 1 — 2 րոպե: Այնուհետև պետք է սպասել, որ դրանք սառչեն:
_Մաքրել կարմիր, հյութալի, քաղցր խնձորները և կտրել դրանք կտորներով (եթե ուզում եք աղցանի մեջ խնձորը շատ լինի, ապա վերցրեք մեծ խնձորներ):
_Լավ լվանալ խաղողը և կտրել յուրաքանչյուր հատիկը մեջտեղից:
_Այնուհետև համատեղեք փոքր ամանի մեջ մանանեխ, ձիթապտղի յուղ, խնձորի քացախ, մանրացված կոճապղպեղի արմատ և աղացած պղպեղ:
_Լավ խառնել ամեն ինչ, մինչև միասեռ զանգված ստացվի: Սոուսը պատրաստ է:
_Մաքրել մեկ սոխ և կտրել կես օղակներով:
_Աղցանի ամանի մեջ խառնել բրոկոլին, խաղողը, խնձորը, սոխի կես օղակները, լցոնել սոուսով և լավ խառնել:
_Արագ, հեշտ և պարզ քայլերով, սեղանի վրա կհայտնվի համեղ բանջարեղենային աղցան: Պատրաստեք այդպիսի ուտեստը ինչպես տոնական սեղանի, այնպես էլ ընտանիքի հետ թեթև ընթրիքի համար:
Բրոկոլիով աղցանը պատրաստ է:
Բարի ախորժակ: