Դդմիկով ռուլետ. Հայկական նրբահամ նորություն մեր սեղանին
Յուրօրինակ ուտեստ՝ պատրաստված լավաշով, դդմիկով, աղացած մսով և համեղ սոուսով:
Դդմիկով ռուլետ. Անհրաժեշտ բաղադրիչները
- Լավաշ 2 հատ
- Դդնիկ 2 հատ
- Ցանկացած աղացած միս 500 գ
- Սոխ 2 հատ
- Սխտոր 2 պճեղ
- Պաքսիմատ 5 ճաշի գդալ
- Կանաչիներ՝ ըստ ճաշակի
- Աղ, պղպեղ, համեմունքներ՝ ըստ ճաշակի
- Ձու 1 հատ
Սոուսը պատրաստելու համար անհրաժեշտ է
- Ձու 3 հատ
- Մածուն 250 մլ
- Կաթ 150 մլ
- Պանիր 50 գ
- Աղ, պղպեղ, համեմունքներ՝ ըստ ճաշակի
Դդմիկով ռուլետ. Պատրաստման եղանակը
- Աղացած միսը խառնել կտրատած սոխի, ձվի, աղի և պղպեղի հետ, վրան ավելացնել սխտոր, պաքսիմատ և մանրացված կանաչիներ:
- Խորհուրդ. Եթե պաքսիմատ չունեք, կարելի է օգտագործել սպիտակ հաց կամ բոքոն: Ցանկացած կանաչի կարելի է վերցնել ըստ ճաշակի:
- Հունցել աղացած միսը, մինչև որ համասեռ դառնա և դնել սառնարանը:
- Դդմիկը երկայնքով կտրել բարակ շերտերով և տապակել քիչ քանակությամբ բուսական յուղով:
- Տապակել մի փոքր, մինչև ոսկե դարչնագույն դառնա:
- Դդմիկի շերտերն իրար կողքի դասավորել լավաշի եզրին, դրանց վրա աղացած միսը դնել: Այժմ պետք է շատ ամուր փաթաթել ռուլետի նման:
- Հուշում. Եթե ունեք լավաշի փոքր կտորներ, ապա կստացվեն մի քանի ռուլետներ, եթե մեծ լավաշ է՝ ապա մեծ ռուլետ: Մեծ ռուլետի դեպքում պետք է բաժանել փոքր մասերի` 3-4 սմ երկարությամբ:
- Դրանք շարել ջեռոցի ամանի մեջ:
- Սոուսը պատրաստել՝ ձվերը աղով և պղպեղով հարել հարիչով, լցնել մածունը, խառնել և ավելացնել կաթը:
- Դասավորված ռուլետիկների վրա լցնել սոուսը և դնել ջեռոցը:
- Հարկավոր է թխել 200 աստիճանով մոտ 40 րոպե:
- Հանել և ցանել քերած պանիրը և թխել ևս 10 րոպե:
Դդմիկով ռուլետը պատրաստ է:
Բարի ախորժակ:
Տեսանյութ
Ռուլետ 3 բաղադրիչներից
