Եթերային քաղցրավենիք. Շատ փափուկ և նրբահամ կարկանդակ
Փափուկ և նուրբ, շատ բուրավետ սերուցքով ներծծված կարկանդակ:
Եթերային քաղցրավենիք. Անհրաժեշտ բաղադրիչները
_Կաթ 120 գ
_Ալյուր 300 գ
_Կարագ 70 գ
_Ձու 2 հատ
_Շաքար 70 գ
_Թարմ խմորիչ 15 գ կամ չոր 1,5 թեյի գդալ
_Մի պտղունց աղ
Կարկանդակը թրջելու համար հարկավոր է
_Սերուցք 100 գ
_Կարագ 50 գ
_Շաքար՝ ըստ ճաշակի
Եթերային քաղցրավենիք. Պատրաստման եղանակը
_Հալեցնել կարագը և թողնել սառի:
_Տաք կաթի մեջ լցնել խմորիչը, ավելացնել մի քիչ շաքար, մի քանի ճաշի գդալ ալյուր և խառնել: Ծածկել և թողնել 15 րոպե:
_Ձուն հարել շաքարի հետ և լցնել խմորի վրա, ավելացնել կարագը և մաղով անցկացրած ալյուրը, բայց ոչ ամբողջը:
_Խառնել բահիկով և եթե զանգվածը շատ է ջրիկ, ավելացնել ավելի շատ ալյուր, որ ստացվի փափուկ խմոր:
_Ծածկել և թողնել 1 ժամ:
_Ալյուրը ցանել սեղանին, վրան փռել խմորը, հունցել և գրտնակել ըստ ձևամանի չափի:
_Ջեռոցի ամանը ծածկել յուղաթղթով և խմորը դնել մեջը, մատով անցքեր անել, սեղմել ներքև և կարագի կտորներ դնել փոսիկների մեջ:
_Շաղ տալ շաքարի փոշի ըստ ցանկության և թողնել 20 րոպե:
_Ջեռոցը տաքացնել 180 աստիճանով և թխել մոտ 30 րոպե:
_Լցնել սերուցքը, թխել 10 րոպե, մատուցել սառելուց հետո:
Հուշում. Դուք կարող եք ցանկացած յուղայնությամբ սերուցք վերցնել:
Եթերային քաղցրավենիքը պատրաստ է:
Հաճելի համտեսում ձեզ:
Տեսանյութ
Թխվածք Ոզնի քնքուշ, նուրբ, բերանում հալվող