Ելակով և հավի կրծքամսով աղցան. Այս յուրօրինակ աղցանը նորույթներ փնտրողների, թարմության սիրահարների համար է:
Ուզում եմ միանգամից զգուշացնել, որ այն կզարմացնի նրանց, ովքեր գնահատում են դասական համը և հավատարիմ են կարծրատիպերին:
Դե, իսկ նրանք, ովքեր սիրում են ստեղծագործ լինել, մշտապես նորույթներ փորձարկել ու համտեսել, անպայման դուր կգա այս աղցանը: Եթե այդպես եք տրամադրված ոււրեմն անցնենք առաջ, եկեք պատրաստենք այս նուրբ ու հետաքրքիր համերով աղցանը, փորձեք այն և կիսվեք ձեր հույզերով մեզ հետ:
Ելակով և հավի կրծքամսով աղցան. Անհրաժեշտ բաղադրիչները
_0,5 կգ խաշած հավի կրծքամիս
_100 գ ելակ
_50 գր ռուկուլա
_6 ճաշի գդալ ալյուր
_2 ճաշի գդալ կաթ
_Բուսական յուղ
_1 ձու
_5 ճաշի գդալ մածուն
_2 թեյի գդալ մանանեխ
_2 ճաշի գդալ կիտրոնի հյութ
_Աղ
_Պղպեղ
_2 ճաշի գդալ ձիթայուղ
Ելակով և հավի կրծքամսով աղցան. Պատրաստման եղանակը
_Ձուն հարել աղով և պղպեղով, ավելացնել կաթը և կրկին լավ հարել, որ ստանանք միասեռ զանգված:
_Խաշած հավի կրծքամիսը կտորների բաժանել, թաթախել ձվային խառնուդի մեջ, թաթախել ալյուրի մեջ և տապակեք բուսական յուղով: Միսը թողեք մի կողմ:
_Ելակները կտրել 2 մասի, եթե մեծ են՝ 4 մասի:
_Մնում է սոուս պատրաստելը: Դրա համար խառնել ձիթապտղի յուղը, մի պտղունց աղ և պղպեղ, մածուն, կիտրոնի հյութ, մանանեխ:
_Ռուկուլան, կրծքամիսը, ելակը դնել ամանի վրա և վրան լցնել պատրաստված սոուսը:
Ստացվում է նման հետաքրքիր, անսովոր ու պարզ աղցան: Բավական օրիգինալ և ամռան համով:
Ելակով և հավի կրծքամսով աղցանը պատրաստ է:
Մաղթում ենք ձեզ բարի ախորժակ:
Տեսանյութ
Աղցան Ցեզար