Մանր թթու վարունգ ձմռան համար. Այս բաղադրատոմսով պատրաստվող վարունգները անչափ համեղ են, դրանք ոչ մի բառով չի կարելի նկարագրել, քանի որ պատրատվում են մեծ սիրով:
Պարզապես պետք է փորձեք զգալ, թե որքան խրթխրթան, բուրավետ, հյութեղ են դրանք: Ողջ ձմռանը հաճույք կստանաք թթու մանր վարունգ վայելելով:
Մանր թթու վարունգ. Անհրաժեշտ բաղադրիչներ.
Մեկ լիտր ջրի համար.
_ Աղ 2 ճաշի գդալ
_ Շաքարավազ 4 ճաշի գդալ
_ Քացախ 9% 3 ճաշի գդալ
_ Սև պղպեղ 6-7 հատ
_ Մանր վարունգներ
_ Մեխակ 2-3 հատ
_ Դափնու տերեւ 2 հատ
_Հաղարջի, խաղողի կամ ազնվամորու տերևներ:
Մանր թթու վարունգ. Ինչպես պատրաստել
_ Մանր վարունգները տեսակավորել, թրջել սառը ջրի մեջ և թողնել 4 ժամ:
_ Կրակի վրա մի մեծ կաթսա ջուր դնել, թող եռա: Նախքան պահածոն պատրաստելը, պետք է տերիլիզացնել բանկաները նախընտրելի եղանակով:
_ Այժմ, յուրաքանչյուր բանկայի ներքևի մասում դնել սամիթի մի հովանոց, սև հաղարջի, ազնվամորու կամ խաղողի մի տերև, մի քանի հատիկ սև պղպեղ, դափնու տերև և մեխակ:
_ Այնուհետև բանկաները լցնել վարունգներով: Կաթսայի ջուրը կրկին բերել եռման, և բանկաների վրա եռացրած ջուր լցնել, թողնել 10 րոպե, այնուհետև կրկին լցնել կաթսայի մեջ և եռացնել:
_ 10 րոպե անց բանկաներից դատարկել եռացած ջուրը: Կրկին ջուրը լցնել կաթսայի մեջ, ավելացնել աղ և շաքար, խառնել:
_ Հենց որ շաքարն ու աղը լավ լուծվեն, բերեք եռման, իսկ վերջում լցնել քացախը:
_ Շատ տաք վիճակում մարինադը լցնել բանկաների մեջ, ամուր փակում կափարիչները և շրջում գլխիվայր:
_ Բանկաները սառելուց հետո դրանք տեղափոխել պահեստավորման վայր:
Թթու մանր վարունգ ձմռան համար:
Բարի ախորժակ: