Թխվածքաբլիթ Մազուրկան խմորեղեն է, որ ջեռոցից հանելուց հետո ուզում եք անմիջապես ուտել: Բացի այդ, անգամ մի քանի օր անց այս թխուկների համը չի մարում: Բայց մի քանի օր մնալուց հետո, Մազուրկա բլիթները վերածվում են անուշահոտ չորաբլիթների, որոնք թեյի կամ սուրճի սիրահարների համար անգնահատելի են:
Բայց կա մի հանգամանք, երբ պատրաստեք այս բլիթները, քիչ հավանական է, որ գոնե երկու օր դրանք մնան ձեր սեղանին:
Թխվածքաբլիթ Մազուրկա. Բաղադրությունը.
_Շաքար — 1,5 բաժակ
_Ձու — 2 հատ
_Ընկույզ (մանրացված) — 1 բաժակ
_Չամիչ (չորացրած ծիրան, սալորաչիր, թուզ, այն ամենը, ինչ ձեզ դուր է գալիս) — 1 բաժակ
_Ալյուր — 1 բաժակ
_Սոդա — 0,5 թեյի գդալ
Թխվածքաբլիթ Մազուրկա. Քայլ առ քայլ բաղադրատոմս
_Հարել ձվերը շաքարով:
_Այժմ ավելացնել խմորի մնացած հիմնական բաղադրիչները` ալյուր, մանրացված ընկույզ, սոդա: Խառնել ամեն ինչ մանրակրկիտ կերպով և ավելացնել մի բաժակ չամիչ:
_Խմորը պատրաստ լինելուց հետո ջեռոցի տապակը յուղել բուսական յուղով (կամ մարգարինով) և վրան դնել խմորը, հարթեցնել:
_Նախապես մինչև 200 °C ջերմաստիճան տաքացված ջեռոցում թխել Մազուրկա թխվածքաբլիթը 25-30 րոպեի ընթացքում:
_Երբ արդեն թխված խմորեղենը դուրս եք բերում ջեռոցից, պետք է անմիջապես կտրել համաչափ կտորներով:
Մազուրկա թխվածքաբլիթը պատրաստ է, կարող եք մատուցել և վայելել:
Բարի ախորժակ:
Տեսանյութ
Մեղրով համեղ թխվածքաբլիթ
