Ծույլ Նապոլեոն տորթն իր համով հիշեցնում է հայտնի Նապոլեոն թխվածքը, բայց, ի տարբերություն Նապոլեոնի, մեզ հարկավոր չէ խմոր հունցել, շերտերը գրտնակել, բաղադրատոմսը շատ պարզ ու արագ է:
Ծույլ Նապոլեոն. Անհրաժեշտ բաղադրիչները
Խմորի համար
_Ալյուր 400 գ
_Կարագ 170 գ
_Շաքար 100 գ
_Վանիլային շաքար 1 տուփ
_Կոկոսի փաթիլներ 40 գ
Կրեմի համար
_500 մլ սառը եռացրած կաթ
_Ձու 2-3 հատ
_Շաքար 100 գ
_Եգիպտացորենի օսլա 30 գ
_Վանիլային շաքար 1 տուփ
_Կարագ 30 գր
Ծույլ Նապոլեոն. Պատրաստման եղանակը
_Սկզբի համար պատրաստել կրեմը. Դրա համար ձվերը կաթսայի մեջ կոտրել, լցնել շաքար, վանիլային շաքար, օսլա, ամեն ինչ մանրակրկիտ խառնելով հարել:
_Շարունակելով խառնել, լցնել սառը կաթը, կաթսան դնել վառարանի վրա: Եփել մարմանդ կրակի վրա, անընդհատ խառնելով, կրեմը պատրաստել մինչև թանձրանա: Հենց որ եռման առաջին նշաններն ի հայտ գան, անջատեք կրակը:
_Այժմ կրեմին ավելացնել կարագ, խառնել հարմարանքով, մինչև այն ամբողջությամբ լուծարվի: Կրեմը պատրաստ է:
_Անցնենք խմորի պատրաստմանը: Դրա համար վերցրեք խորը թասիկ, ալյուրը լցնել մեջը, դրա վրա քերել կարագը, ապա ավելացնել վանիլային շաքար և սովորական շաքար: Մանրակրկիտ խառնել ամեն ինչ:
_Ստացված փշրանքները տեղափոխեք նախապես տաքացրած թավայի մեջ և թույլ կրակի վրա, անընդհատ խառնելով, տապակել մինչև գեղեցիկ կարմրավուն գույնը:
_Երբ փշուրները մի փոքր սառչեն, լցնել կոկոսի փաթիլները դրա մեջ, մանրակրկիտ խառնել:
_Այժմ վերցնել բացվող օղակով ձևամանը, ծածկել դրա հատակն ու պատերը յուղաթղթով, յուղել բուսական յուղով:
_Պատրաստի կրեմը լցնել հրուշակի տոպրակի մեջ, ձևավորել կրեմի ցանց ամբողջ ձևամանի տակ:
_Կրեմի վրա լցնել փշրանքների առաջին շերտը, հավասարապես հարթեցնել այն: Այսպիսով, հերթագայել շերտերը, մինչև փշրանքներն ու կրեմը վերջանան:
_Վերևի մասը զարդարել քերած կաթնային շոկոլադով: Պատրաստի տորթը 12 ժամով դնել սառնարանը:
Ծույլ Նապոլեոնը պատրաստ է: Առանց խմորի վրա շատ չարչարվելու ստացվում է շատ նուրբ և համեղ տորթ, այն պատրաստվում է պարզ և հեշտությամբ, նման տորթի հետ ցանկացած թեյախմություն կվերածվի տոնի:
Բարի ախորժակ
Տեսանյութ
Շերտավոր խմոր