Կաղամբով համեղ աղցանը ցանկացած առիթի հարմար խորտիկ է: Նման բանջարեղենային ուտեստն ինքնին հաճույք է:
Արագ, պարզ, էժան՝ այն է, ինչ ձեզ հարկավոր է: Դուք անդադար կուզենաք ուտել այս խրթխրթան կաղամբով աղցանը և դա շատ բնական է, քանի որ համի այս փունջն աննկարագրելի է:
Ցանկության դեպքում կարող եք պատրաստել աղցանն առանց ճակնդեղի, բայց չմոռանանք, որ այն տալիս է գեղեցիկ գույն և իհարկե, վիտամիններ:
Կաղամբով համեղ աղցան. Անհրաժեշտ բաղադրիչները
_սպիտակ կաղամբ
_2 գազար
_2 հատ սոխ
_1 թարմ բազուկ (միջին չափի)
_5 ճաշի գդալ շաքար
_7 ճաշի գդալ խնձորի քացախ
_10 ճաշի գդալ բուսական յուղ
_աղ
Կաղամբով համեղ աղցան. Պատրաստման եղանակը
_Կտրատել կաղամբը: Դրանից հետո մի փոքր տրորել ձեռքերով և աղ անել: Աղը փոքր մասերով ավելացնել, որպեսզի չչարաշահեք այն:
_Թարմ գազարն ու ճակնդեղը քերել խոշոր քերիչի վրա: Մանր կտրատել սոխը:
_Քերած գազարը, ճակնդեղը և սոխը լցնել կաղամբով տարայի մեջ: Ամեն ինչ լավ խառնել: Ես դա սովորաբար ձեռքերով եմ անում, որ ևս մի քիչ տրորվի ու հյութերը դուրս տան:
_Կաղամբին ավելացնել շաքարը: Աղցանը չպետք է աղի լինի:
_Բանջարեղենային աղցանը համեմել բուսական յուղով և քացախով: Կրկին խառնել ամբողջը:
_Աղցանը թողնել սենյակային ջերմաստիճանում 2 ժամ: Դրանից հետո կարելի է մատուցել:
Կաղամբով համեղ աղցանը պատրաստ է: Այն կարելի է պահել սառնարանում:
Բարի ախորժակ
Տեսանյութ
Թարմ աղցան