Կարտոֆիլի գնդիկներ խմորով. Արագ պատրաստվող ընթրիք
Անկախ նրանից, թե ինչ ճաշատեսակներ են հյուրասիրում իրենց ընտանիքին տնային տնտեսուհիները, այնուամենայնիվ ցանկալի տարբերակը տապակած կարտոֆիլն է: Միևնույն ժամանակ, դրա պատրաստման շատ տարբերակներ կան:
Տապակման ժամանակ տանտիրուհիները սունկ, հավի կրծքամիս համեմունքներ բուլղարական պղպեղ և այլն են ավելացնում: Այնուամենայնիվ, կան նաև տապակման շատ եղանակներ: Ահա հետաքրքիրներից մեկը:
Կարտոֆիլի գնդիկներ խմորով. Անհրաժեշտ բաղադրիչները
_Կարտոֆիլ 1,5 կգ
_Ձու 2 հատ
_Թթվասեր 1,5 ճաշի գդալ
_Ցորենի ալյուր 1.5 ճաշի գդալ
_Աղ 1 թեյի գդալ
_Կարմիր պղպեղ (աղացած) 1 թեյի գդալ
_Սամիթ 10 գ
_Արևածաղկի ձեթ ՝ ըստ ճաշակի
Կարտոֆիլի գնդիկներ խմորով. Պատրաստման եղանակը
_Մաքրել կարտոֆիլները, լվանալ հոսող ջրի տակ և եփել աղ արած ջրի մեջ այնքան, որ փափկի:
_Այդ ընթացքում խորը ամանի մեջ ձվերը խառնել թթվասերի հետ:
_Այս խառնուրդին ավելացնել աղ և պղպեղ, մանր կտրատած սամիթ: Ամբողջը խառնել պատառաքաղով, ավելացնել ալյուրը:
_Խմորը պիտի լինի թանձր թթվասերի խտության: Տապակի մեջ տաքացնել բավարար յուղ, խաշած ու մի փոքր սառեցրած կարտոֆիլը թաթախել խմորի մեջ, և հերթով դնել թավայի մեջ:
_Տապակելիս կարտոֆիլը կողքից պատառաքաղով շրջել: Դրա վրա պետք է ոսկե կեղև առաջանա:
Պատրաստի ուտեստը դնել մատուցման ափսեի վրա, մատուցել տաք վիճակում:
Կարտոֆիլի ներսը փափուկ և քնքուշ է, իսկ դրսից` համեղ փխրուն կեղև: Բաղադրատոմսը պարզ է, բայց արժանի է տեղ գրավելու ձեր խոհարարական գրքում:
Կարտոֆիլի գնդիկները խմորով պատրաստ են:
Բարի ախորժակ:
Տեսանյութ
Կարտոֆիլը ջեռոցում