Կարտոֆիլ պորտուգալական եղանակով. Այս բուրավետ ու ախորժելի ուտեստը կարելի է մատուցել տոնական սեղանի ընտրացանկում: Հայտնի չէ, թե որտեղից է եկել այս անվանումը, որովհետև այս եղանակով հավանաբար պատրաստում են ամբողջ աշխարհում:
Հատկապես համեղ է ստացվում վաղահաս կարտոֆիլով, որը բարակ կեղև ունի, այս դեպքում շատ համեղ է ստացվում: Բայց այն, ինչ մենք ձմռանը պահում ենք մեր նկուղներում, նույնպես բավականին հարմար է: Հաճելի կլինի, եթե ուտեստի համար ընտրեք նույն չափի կարտոֆիլի պալարներ:
Կարտոֆիլ պորտուգալական եղանակով. Անհրաժեշտ բաղադրիչները
_Կարտոֆիլ — 1 կգ
_Սխտոր — 2 պճեղ
_Խնկունի — փոքր ճյուղ
_Ձիթապտղի յուղ — 5 ճաշի գդալ
_Աղը ըստ համտեսի
Կարտոֆիլ պորտուգալական եղանակով. Պատրաստման եղանակը
_Մաքուր լվանալ կարտոֆիլը և այն կեղևով խաշել մինչև պատրաստ լինելը:
_Ձևամանը, որի մեջ պետք է կարտոֆիլը պատրաստել, լցնել ձիթայուղը և լցնել կեղևահան արված և շերտերով կտրատած սխտորը:
_Պատրաստի կարտոֆիլը դնել սխտորի վրա և նրբորեն սեղմել դրանք գդալով, որպեսզի կարտոֆիլը ճեղքվի, բայց չտափակի:
_Կարտոֆիլի վրայից ցողել ձիթապտղի յուղով, աղ անել և ցանել խնկունի: Եթե ձեռքի տակ չկա թարմ խնկունու ճյուղեր, ապա կարելի է օգտագործել չոր կանաչին:
_Նախապես 180 աստիճանով տաքացված ջեռոցում դնել ձևամանը և տապակել կարտոֆիլը մինչև բաց շագանակագույն երանգ ստանալը:
Կարտոֆիլ պորտուգալական եղանակով արդեն պատրաստ է:
Այն շատ համեղ է, աննկարագրելի նուրբ ու փափուկ, սխտորի և խնկունի բույրով:
Բարի ախորժակ և լավ տրամադրություն բոլորին:
Տեսանյութ
Մեքսիկական կարտոֆիլ
