Կոկոսով կարկանդակ. Այս բաղադրատոմսը նվիրվում է բոլոր նրանց, ովքեր սիրում են կոկոսը, իսկական երկնային հրճվանք:
Ձեզ հարկավոր կլինեն շատ մատչելի մթերքներ, բացի այդ, կարկանդակը չափազանց հեշտ է պատրաստել, և այս անպատմելի համեղ է: Կարկանդակն այնքան նուրբ է, որ ձեզ հարկավոր չէ նույնիսկ այն կծել, պարզապես մոտեցնել շրթունքներին և պատառը արդեն հալվում է … Իսկական համեղ հրաշք:
Իսկ ի՞նչ բույր է տարածվում բնակարանով մեկ… Տունը դառնում է իսկական կոկոսի դրախտ: Նման կարկանդակն իր համով կգերազանցի ցանկացած խանութում վաճառվող տորթ: Փորձել, դուք չեք զղջա:
Կոկոսով կարկանդակ. Անհրաժեշտ բաղադրիչները
_Ձու 1 հատ
_Մածուն 1 բաժակ
_Շաքար 3/4 բաժակ
_Փխրեցուցիչ 10 գր
_Ալյուր 1,5 բաժակ
Լցոն
_Շաքար 3/4 բաժակ
_Կոկոսի փաթիլներ 100 գր
_Վանիլին՝ ըստ ճաշակի
_Սերուցք 20% — 1 բաժակ
Կոկոսով կարկանդակ. Պատրաստման եղանակը
_Խմորը պատրաստելու համար ամանի մեջ կոտրել ձուն, ավելացնել շաքարը և հարել:
_Մաղել ալյուրը, խառնել խմորի փխրեցուցիչի հետ:
_Լցնել մածունը ձվի խառնուրդի մեջ, ավելացնել ալյուրը, լավ խառնել:
_Յուղել ջեռոցի ձևամանը, կարող եք այն ծածկել յուղաթղթով:
_Ձևամանի մեջ լցնել պատրաստված խմորը:
_Պատրաստել լցոնումը` կոկոսը խառնել շաքարավազի հետ և ըստ ճաշակի ավելացնել մի քիչ վանիլին:
_Խմորի ամբողջ մակերեսի վրա լցնել կոկոսի խառնուրդը:
_Ջեռոցը տաքացնել 180-200 ° C և թխել կարկանդակը 25-30 րոպե: Թխելուց 10 րոպե անց, կարկանդակը փայլաթիթեղով ծածկել, որպեսզի կանխվի կոկոսի վերին շերտի այրումը:
Ջեռոցից հանված կարկանդակի վրա, դեռ տաք վիճակում պետք է լցնել սերուցքը, որ լավ ներծծվի:
Կոկոսով կարկանդակը պատրաստ է:
Բարի ախորժակ:
Պարզ թխվող համեղ տորթի մեկ այլ բաղադրատոմսի հետ ծանոթացեք ստորև.