Հավի հյութեղ կրծքամիս պարզ եղանակով:
Եթե նախկինում չեք օգտագործել խոհարարական տոպրակ, ապա այժմ կհամոզվեք, որ շատ իզուր եք խուսափել: Ես բարձր գնահատեցի այս խոհանոցային պարագայի հարմարավետությունը, պարզությունն ու առավելությունները, երբ կարտոֆիլ թխեցի դրա մեջ բանջարեղենով:
Իրականում այս տոպրակում թխելը շատ նման է փայլաթիթեղի մեջ թխելուն, բայց ես ավելի շատ եմ սիրում տոպրակը, որովհետև դրանում օդի տեղ կա: Փորձեք եփել հավի կրծքամիսը, այն կստացվի հյութալի ու քնքուշ:
Հավի հյութեղ կրծքամիս. Անհրաժեշտ բաղադրիչներ
_Հավի կրծքամիս — 2 հատ
_Պրովանսյան կանաչիներ — 1/2 թեյի գդալ
_Կարրի — 1/2 թեյի գդալ
_Բուսական յուղ — 2 ճաշի գդալ
_Պղպեղ, աղ՝ ըստ ճաշակի
_Խոհարարական տոպրակ թխելու համար
Հավի հյութեղ կրծքամիս. Պատրաստման եղանակը
_Սկզբում պատրաստենք հավի սոուսը: Դա անելու համար խոր ափսեի մեջ խառնել բուսական յուղը, պրովանսական կանաչիները, կարրին, պղպեղը, աղը:
_Լվանալ կրծքամիսը և չորացնել թղթե սրբիչով:
_Միսը դնել սոուսով ամանի մեջ և թողնել մարինացվի մոտ 10 րոպե:
_Տաքացնել թավան և տապակել կրծքամսի կտորները 30 վայրկյան յուրաքանչյուր կողմում:
_Կրծքամիսը դնել տոպրակի մեջ, կապեք այն երկու կողմերից, վերևի մասում անել կտրվածքներ (տուփի վրայի ցուցումների համաձայն) և 6 րոպեով դնել այն միկրոալիքային վառարանում ամենաբարձր հզորությամբ: Կարելի է թխել ջեռոցում մոտ 25 րոպե:
Համոզվեք, որ այս նուրբ ուտեստը պատրաստելը շատ քիչ ջանքեր է պահանջում:
Հավի հյութեղ կրծքամիսը պատրաստ է:
Բարի ախորժակ
Տեսանյութ
Հավի խորոված ջեռոցում