Այսօր շատ յուրահատուկ հավով աղցան կպատրաստեմ, օգտագործելով նոր հետաքրքիր բաղադրիչներ։ Խոստանում եմ համեղ է լինելու։
Հավով Աղցան Բաղադրիչներ
_Հավի կրծքամիս — 1 կտոր — 400-500 գր
_Թարխուն — կես կապ
_Կաղամբ մատղաշ — 300 գր
_Թթվասեր կամ մայոնեզ — 4 ճ գդ
_Զարդարելու համար վարունգ
Հավով Աղցանի պատրաստման եղանակը
_Հավի կրծքամիսը լավ խաշենք, թել-թել անենք լավ մանրացնենք
_Կարող եք նաև հարիչով մանրացնել
_Տեղափոխենք այն աղցանամանի մեջ
_Թարմ թարխուն ենք կտրատելու
_Թարխունի միայն տերևներն ենք օգտագործելու, ցողուններից առանձնացնենք և լավ մանրացնենք
_Այն աղցանի մեջ լրիվ լուծվում է տալով շատ թարմ հաճելի համ, չանտեսեք այս բաղադրիչը
_Ավելացնենք այն հավի վրա
_Կաղամբ պետք է կտրատենք, բայց պարտադիր է, որ այն լինի թարմ մատղաշ
_Մատղաշ կաղամբը ուղղակի հալվում է աղցանի մեջ
_Մանրացնենք և ավելացնենք աղցանամանի մեջ
_Կես թեյի գդալ աղ լցնենք
_Աղցաններին հատկապես ծովի խոշոր աղ եմ լցնում
_Մի փոքր էլ խոշորահատիկ սև պղպեղ լցնենք թարմ աղացած
_Ձեռքերով լավ տրորենք, իհարկե կաղամբը թարմ է, շատ ճզմելու կարիք էլ չկա, ուղղակի այսպես խառնվում են իրար համերը
_4 գդալ թթվասեր ավելացնենք, կարող եք մայոնեզով այն փոխարինել
_Մի լավ խառնենք դնենք կողքի
_Անցնենք զարդարմանը
_Մեկ վարունգ պետք կգա մեզ միջին չափսի
_Ահա այս սարքով շերտատենք երկայնակի
_Կլոր աղցանաման վերցնենք և վարունգի շերտերը ահա այսպես շարենք շուրջբոլորով
_Աղցանը լցնենք մեջը մինչև բերան
_Վարունգի եզրերը դեպի ներս ծալենք
_Գեղեցիկ ափսեի վրա շրջենք աղցանամանը
_Դանդաղ հանենք և ստանանք ահա այսպիսի գեղեցկություն
Կենտրոնում թարխունով կամ նանայով զարդարենք, կարելի նռան հատիկներ շաղ տալ առավել գեղեցիկ և հարուստ տեսքի համար և մատուցել
Անչափ աննկարագրելի համեղ ու հեշտ աղցան է
Անպայման փորձեք
Դե ինչ, բարի ախորժակ։
