Առաջարկում ենք մասկարպոնե պանիր պատրաստել տնային պայմաններում:
Մենք ցանկանում ենք ձեր ուշադրությանը ներկայացնել, թե ինչպես պատրաստել տնական մասկարպոնե պանիր:
Կան շատ բաղադրատոմսեր, բայց լավագույնն է, երբ բաղադրատոմսն առավել մատչելի և պարզ է, Մեր այս ներկայացրածը այդպիսի բացառիկ տարբերակ է: Պատկերացրեք, որ մենք առաջարկում ենք պատրաստել մասկարպոնեն թթվասերից, այլ ոչ թե սերուցքից:
Ստացվում է շատ ավելի համեղ, ավելի բուրավետ, քան խանութում գնվածը: Հարմար է ցանկացած աղանդեր պատրաստելու համար, կատարելապես հարվում է և պահում է իր ձևը: Փորձեք, չեք փոշմանի:
Մասկարպոնե պանիր. Անհրաժեշտ բաղադրիչները
_Տնական յուղալի թթվասեր 900 մլ
_կաթ 1 բաժակ
_կիտրոնի հյութ 2 ճաշի գդալ
Մասկարպոնե պանիր. Ինչպես պատրաստել
_Խառնել թթվասերն ու կաթը: Կրակի վրա դնել և անընդհատ խառնելով հասցնել 80 ° C ջերմաստիճանի: Ոչ մի դեպքում թույլ մի տվեք, որ զանգվածը եռա:
_Երբ զանգվածը լավ տաքանա, ավելացնել մի քանի ճաշի գդալ կիտրոնի հյութ: Առանց թողնելու, որ զանգվածը եռա, սպասել մինչ փոքր հատիկներ հայտնվեն: Երբ դրանք հայտնվեն, անջատել կրակը և թողեք, որ զանգվածը մի փոքր սառչի:
_Քամոցի վրա քառաշերտ թանզիֆ փռել, այն դնել կաթսայի վրա:
_Թթվասերային զանգվածը լցնել թանզիֆի վրա, թող ապագա պանիրն ամբողջովին սառչի, և դնել սառնարան՝ ծածկելով այն կտորի եզրերով:
Սառնարանում պանիրը պետք է մնա մեկ օր, կամ նույնիսկ երկու, դուք կարող եք առաջնորդվել խտությամբ: Կարող եք մի փոքր ծանրոց դնել վերևի մասում: Դա պետք է անել ոչ թե անմիջապես, ամի քանի ժամ նրանից առաջ, երբ պատրաստվում եք պանիրը հանել:
Նշված ժամանակից հետո հանել պանիրը և դնել այն ափսեի մեջ: Դուք կարող եք սկսել շոռակարկանդակ պատրաստել առանց թխման, տնական տիրամիսու և այլն:
Մասկարպոնե պանիրը պատրաստ է:
Բարի ախորժակ
Տեսանյութ
Տապակած պանրի ձողիկներ