Մսով ռուլետներ ջեռոցում. Բաղադրատոմսը հատուկ նրանց համար է, ովքեր պատրաստվում են հաճելի խնջույքի: Լցոնված մսով գլանիկներն ամենաարագ ուտեստը չեն, բայց պատրաստելու մեջ բարդ բան չկա: Կտրել և ծեծել միսը, դնել միջուկը և փաթաթել, այնուհետև մնում է ջեռոցում թխվելուն սպասել:
Համի ցանկալի ուղղությունը սահմանելու համար որպես միջուկ ընտրել ենք դասական պրոշուտոյի (իտալական վետչինա) և կոշտ պանրի համադրություն: Ռեհանը, մաղադանոսը և սխտորը կտան բնորոշ բույր:
Մսով ռուլետներ ջեռոցում. Անհրաժեշտ բաղադրիչները
_Սխտոր 3-4 պճեղ
_Սոխ շալոտ 1 հատ
_Մաղադանոս` ըստ ճաշակի
_Ռեհան` ըստ ճաշակի
_Ձիթապտղի յուղ 2 ճաշի գդալ
_Տավարի թիակի միս 700 գ
_Պրուշուտո 100 գ
_Կոշտ պանիր 150 գ
_Աղ` ըստ ճաշակի
_Սև պղպեղ (աղացած)` ըստ ճաշակի
Մսով ռուլետներ ջեռոցում. Պատրաստման եղանակը
_Մանր կտրատել շալոտ սոխը, սխտորը ճզմել մամլիչով: Մի փոքր ամանի մեջ խառնել սխտորը, սոխը, ձիթապտղի յուղը, մի պտղունց աղ, պղպեղ և բոլոր մանրացված կանաչիները:
_Միսը կտրել երկայնքով, բացել և սննդային թաղանթով ծածկած՝ մի փոքր ծեծել, միատարր շերտ ստանալու համար:
_Քսել դրա վրա սխտորի պատրաստված խառնուրդը: Կտրել պրոշուտոն կտորներով, դնել մսի վրա, դրա վրա դնել պանրի բարակ շերտերը:
_Ոլորել ռուլետը, փաթաթել թելով՝ սկսել մի եզրից, այնուհետև մի քանի սանտիմետր հետո կրկին և այլն, մինչև գլանի վերջը:
_Սուր դանակի օգնությամբ կտրել ռուլետը թելերի միջև հատվածներում:
_Տապակել, կարմրացնել ռուլետները երկու կողմից: Դրանից հետո թավան ծածկել փայլաթիթեղով (եթե այն հարմար չէ թխելու համար, ռուլետները տեղափոխել հրակայուն ամանի մեջ) և 15 րոպեով դնել այն 190 աստիճան տաքացրած ջեռոց:
Մատուցելուց առաջ հեռացնել թելերը և զարդարել կանաչիներով:
Տաք նախուտեստը մատուցեք ցանկացած կողմնակի ուտեստի հետ: Կատարյալ է իտալական մակարոնեղենը հագեցնող աղցանով:
Մսով ռուլետները ջեռոցում պատրաստ են:
Բարի ախորժակ:
Տեսանյութ
Լավաշով ռուլետ լցոնած ձկով