Նեապոլիտանական Զեբր կեքս. Եկեք պատրաստենք ելակի, վանիլի և շոկոլադի բույրով անուշահամ խմորեղեն

Նեապոլիտանական Զեբր կեքս թխելը ձեզ մեծ հաճույք կպատճառի:

Այս կեքսն այսպես են կոչում աշխարհահռչակ նեապոլական պաղպաղակի անունով, որը արտադրվում է ուղղանկյան տեսքով, որը բաղկացած է երեք նույնական շերտերից` վանիլ, ելակ և շոկոլադ: Հետևաբար, կեքսի խմորը նույնպես ավանդաբար բաժանվում է երեք նույնական մասի, ոչ թե չորս:

Բայց այս դեպքում միտումնավոր ավելացվել է շոկոլադի շերտը, որպեսզի ելակը ավելի պայծառ տեսք ունենա դրա ֆոնին:

Նեապոլիտանական Զեբր կեքս. Անհրաժեշտ բաղադրիչները

խմորի համար

_Ալյուր — 250 գ

_Օսլա — 50 գ

_Փխրեցուցիչ — 6 գ

_Շաքար — 200 գ

_Վանիլային շաքար — 1,5 թեյի գդալ

_Աղ — պտղունց

_Ձու — 5 հատ

_Բուսական յուղ — 75 մլ

_Ջուր (կաթ) — 150 մլ

Լրացուցիչ բաղադրիչները

_Կակաոյի փոշի — 3,5 ճաշի գդալ

_Ելակի ժելե (փոշի) — 45 գ

_Տաք ջուր — մոտ 35 մլ

_Սառը ջուր — մոտ 35 մլ

Նեապոլիտանական Զեբր կեքս. Պատրաստման եղանակը

_Ձվերը կոտրել ամանի մեջ, ավելացնել շաքարավազ, վանիլային շաքար և մի պտղունց աղ: Նախ թեթևակի խառնել ձվերի հետ, այնուհետև միացնել հարիչը և հարել, մինչև զանգվածը թանձրանա, սպիտակի և ավելանա ծավալով մոտ երեք անգամ:

_Այժմ ավելացնել կաթ կամ ջուր (ըստ էության ոչ մի տարբերություն չի լինի), բուսական յուղ և ալյուր, որին ավելացնել է օսլա և փխրեցուցիչ: Խմորը հունցել: Կարող եք անել և հարիչով և բահիկով, ինչպես հարմար է:  Օսլան տորթը ավելի նուրբ է դարձնում: Բայց եթե օսլա չունեք, ապա այն փոխարինեք նույն քանակությամբ ալյուրով:

_Խմորը նոսր է, այն հեշտությամբ կարելի է դատարկել: Բաժանեք այն չորս հավասար մասի:
Կակաոյի փոշին մի փոքր ամանի մեջ լցնել, աստիճանաբար ավելացնել տաք ջուր (մոտ 35 միլիլիտր) և խառնել: Պետք է ստացվի մոտավորապես խմորի խտությանը համապատասխան զանգված:

_Երկու ամանի մեջ հավասարաչափ բաշխել կակաոյի զանգվածը: Խառնել մինչեւ միատեսակ գույն ստացվի:

_Երրորդ ամանի մեջ լցնել ելակի ժելե և մոտ 35 միլիլիտր սառը ջուր: Ավելի պայծառ գույնի համար, ըստ ցանկության ավելացնել սննդային գունավորում: Լավ խառնել:

_Չորրորդ ամանի պարունակությունը մնում է անփոփոխ:

_Պատրաստել ձևամանը` յուղել և ցանել ալյուր:

_Ձևամանի մեջտեղում լցնել 2 ճաշի գդալ մուգ խմոր, 2 ճաշի գդալ բաց խմոր, 2 ճաշի գդալ մուգ խմոր և, վերջապես, 2 ճաշի գդալ ելակի խմոր: Շարունակել աշխատանքը նույն հաջորդականությամբ, մինչև ամբողջ խմորը վերջանա:

_Ձևամանը դնել նախապես մինչև 175 աստիճան տաքացված ջեռոցը: Թխել մոտ 60 րոպե:

_Պատրաստ լինելը ստուգել փայտե չոփիկով. Այն պետք է չոր դուրս գա խմորից:

Սառեցնել կեքսը մետաղալարե հենարանի վրա կամ հենց ձևամանի մեջ:

Նեապոլիտանական Զեբր կեքսը պատրաստ է:

Բարի ախորժակ

Տեսանյութ

Զոլավոր բիսկվիթ