Այսօր ուզում ենք ձեզ ներկայացնել ձմռան համար թթվեցրած շամպինիոններով վարունգի բաղադրատոմս: Պահածոն շատ յուրահատուկ և զարմանալիորեն հետաքրքիր համ ունի:
Խորհուրդ ենք տալիս փորձել: Արդեն մի քանի տարի է այս կերպ փորձարկում ենք, և ամեն անգամ, բոլորն, ովքեր փորձում են, անպայման խնդրում են բաղադրատոմսը: Պատրաստեք, հաճույք պատճառեք ինքներդ ձեզ և ձեր ընտանիքին:
Շամպինիոններով վարունգ. Անհրաժեշտ բաղադրիչները
_1.8-2 կգ շամպինիոն
_փոքր վարունգներ
_բանկաներ
_սխտոր, դափնու տերև, պղպեղ
Աղաջրի համար.
_ջուր 7 բաժակ
_շաքար 1 բաժակ
_քացախ 9% 1 բաժակ
_խոշոր աղ 2 ճաշի գդալ
Արդյունք 1 լիտրանոց 5 բանկա
Շամպինիոններով վարունգ. Քայլ առ քայլ բաղադրատոմս
_Լվանալ շամպինիոնները և 2 րոպե եռացնել ջրի մեջ: Այս բաղադրատոմսի համար լավագույնն է ընտրել փոքր վարունգներ:
_Բանկաները ստերիլիզացնել ցանկացած ձեզ համար հարմար եղանակով:
_Վարունգներն ու սնկերը բանկայի մեջ լցնել, աղաջուրը դնել եռման: Եռալուց հետո ջրին քացախ ավելացնել, անհրաժեշտ է, որ ջրի մեջ շաքարավազը և աղը լուծվեն: Այնուհետև անմիջապես անջատել կրակը:
_Բանկաների վրա ավելացնել նաև սխտոր, պղպեղ և դափնու տերևներ:
_Լցնել բանկաները աղաջրով և ստերիլիզացնել 15 րոպե (բանկաների ծավալը 1 լիտր է):
_Ստերիլիզացման համար սրբիչ դնել մեծ կաթսայի տակ, և ջուր լցնել, հասցնել մոտավորապես նույն ջերմաստիճանի, ինչ որ բանկաների ջրի ջերմաստիճանը և հասնի բանկաների ուսերին:
_15 րոպե ջրի մեջ եռալուց հետո զգուշորեն հանել բանկաները և փակել կափարիչներով (որոնք նախ պետք է գցել եռացրած ջրի մեջ և մի քանի րոպե եռացնել):
_Շրջել բանկաները գլխիվայր և թող սառչեն: Ապա դրեք այն պահեստավորման համար:
Շամպինիոններով վարունգը պատրաստ է:
Բարի ախորժակ:
