Շոկոլադե թխվածքաբլիթ. Այս խմորեղենը պարզապես հալվում է ձեր բերանում: Թխվածքաբլիթները շատ քնքուշ են:
Պարզ և շատ արագ բաղադրատոմս է, բայց արդյունքը գերազանցում է բոլոր սպասումները, հաստատ երբևէ ոչ մի ավելի համեղ բան չեք ճաշակել:
Շոկոլադե թխվածքաբլիթ. Մեզ պետք կլինի.
_Ձու 1 հատ
_Շաքարավազ 150 գ
_Կարագ 110 գ
_50 մլ նարնջի հյութ (մածուն / կաթ)
_Ալյուր 180 գ
_Կակաոյի փոշի 40 գ
_Փխրեցուցիչ 1 թեյի գդալ
_Մի պտղունց աղ
_Վանիլին
_Մեկ նարնջի կեղևի քերուկ` ըստ ցանկության:
Շոկոլադե թխվածքաբլիթ. Ինչպես պատրաստել
_Փափուկ կարագը լցնել ամանի մեջ, ավելացնել շաքարավազ, մի պտղունց աղ և ցանկության դեպքում ՝ մի թեյի գդալ վանիլային շաքար կամ վանիլինի մի պտղունց: Կտրատել բահիկով, ապա խառնեք հարիչով, մինչև զանգվածը սպիտակի և փայլ ձեռք բերի:
_Այնուհետև, ձուն կոտրել խառնուրդի մեջ և շարունակել հարել 1 րոպե: Ցանկության դեպքում լցնել նարնջի քերուկը: Քամեք նարնջի հյութը և լցնել այն խմորի մեջ և կրկին խառնել 20 վայրկյան: Հյութի փոխարեն կարող եք օգտագործել կաթ կամ մածուն:
_Ալյուրը խառնել կակաոյի փոշու հետ, ավելացնել մի թեյի գդալ փխրեցուցիչ և լավ խառնել: Լցնել հիմնական խմորի մեջ մի քանի մասով և խառնել բահիկով, մինչև ամբողջը միասեռ դառնա:
_Խմորը լցնել խմորեղենի տոպրակի մեջ, և յուղաթղթով ծածկված տապակի վրա խմորով բլիթները սեղմել: Թխուկների միջև հեռավորությունը պետք է լինի 5-8 սմ, քանի որ այն կմեծանա չափերով: Ցանկության դեպքում զարդարել թխվածքաբլիթի վերևի մասը ընկույզով կամ շոկոլադով:
_Խմորով տապակը դնել նախապես 180 աստիճանով տաքացված ջեռոցում, մոտ 8-10 րոպե:
Շոկոլադե թխվածքաբլիթները պատրաստ են: Նման բլիթները պարզապես հիանալի են, անչափ համեղ: Արտաքինից մի փոքր խրթխրթան է, իսկ ներսից` շատ քնքուշ և փափուկ: Խենթացնող համ է, վայելեք:
Բարի ախորժակ:
