Ոլոռով ապուր. Մատչելի պարզ ուտեստ որը շատ հագեցնող է ու անչափ համեղ

Այսօր առաջարկում ենք պատրաստել ոլոռով ապուր, որը վստահաբար կարող է համեմատվել մսով ուտեստի հետ:

Սա հարմար է այն մարդկանց համար, ովքեր բուսակեր են, կամ ծոմ են պահում: Ոլոռով ապուրը պասի շրջանի ամենակարևոր, եթե ոչ հիմնական ուտեստն է: Ապուրը, որը հարուստ է բուսական սպիտակուցով, հիանալի հագեցնում է, լիարժեք, անկախ ուտեստ է և իդեալական տարբերակ կլինի դիետիկ կերակուրի համար:

Ոլոռով ապուրը պետք է լավ եփել, այսպիսով բարակ կեղևը քանդվում է, և ոլոռը հիանալի մարսվում են, անկախ նրանից, թե որքան թարմ է: Ստացվում է միասեռ, թանձր թավշյա ապուր:

Ոլոռով ապուր. Բաղադրիչները

_Ոլոռ 1 բաժակ

_Ջուր 1.3 լիտր

_Կարտոֆիլ 2 հատ

_Սոխ 1 հատ

_Գազար 50 գր

_Դափնու տերև 1 հատ

_Բուսական յուղ 1 ճաշի գդալ

_Չոր համեմունքներ` ըստ ճաշակի

_Կանաչիներ` ըստ ճաշակի

_Աղը` համտեսել

Ոլոռով ապուր. Պատրաստման եղանակը

_Ոլոռով ապուր պատրաստելու համար պետք է նախապատրաստել ոլոռ, կարտոֆիլ, գազար, սոխ, բուսական յուղ: Հարկավոր կլինի նաև աղ, համեմունքներ և թարմ կանաչիներ:

_Որպեսզի ոլոռը կատարելապես եփվի, և ապուրը համեղ լինի, մի փոքր գաղտնիք կա: Պետք է չոր ոլոռի վրա (թրջելու կարիք չկա) լցնել քիչ քանակությամբ Եռացող ջուր: Ավելացնել մի քիչ աղ, դանակի ծայրով, աղացած դարչին, դափնու տերև և մի քիչ բուսական յուղ: Հասցնել եռման և եփել մինչև ոլոռը ուռչի, դրանից հետո ջուրը կարող է ավելացվել անհրաժեշտ քանակությամբ: Այսպիսով, հարկ չի լինի կանգնել վառարանի մոտ` անընդհատ փրփուրը հեռացնելու համար:

_Մինչ ոլոռը եփվում է, մաքրել գազարը ու սոխը: Գազարները քերել խոշոր քերիչով, մանր կտրատեք սոխը կամայական ձևի կտորներով: Տաքացնել բուսական յուղը, լցնել համեմունքներ (կարի, քրքում, սև պղպեղ, պապրիկա), ավելացնել մանրացած սոխ և գազար: Տապակել բանջարեղենը մինչեւ փափկի:

_Կարտոֆիլը պետք է կեղևահանել, մանրակրկիտ լվանալ և կտրել փոքր խորանարդներով: Երբ ոլոռը գրեթե պատրաստ է, ապուրին ավելացնել կտրատած կարտոֆիլը: Ավելացնել աղը ըստ համտեսի: Եփել այնքան, որ կարտոֆիլը լավ եփվի: Ապուրը պարբերաբար խառնել այնպես, որ ներքևում նստող խաշած ոլոռը չայրվի և չիջնի հատակին:

_Պատրաստման ավարտին, ոլոռով ապուրին ավելացնել գազարով սոխեռածը և մի քիչ կտրատած թարմ կանաչիներ:

Ոլոռով ապուրը պատրաստ է, այն ստացվում է շատ համեղ ու թանձր: Կարող եք մատուցել չորահացով, մատուցել շաղ տալով աղացած պապրիկա կամ պղպեղի խառնուրդ:

Բարի ախորժակ:

Տեսանյութ

Համեղ ապուրների տարբերակներ