Չամիչով փլավն իսկական Աստծո պարգև է: Մի կասկածեք, անպայման կստացվի, փորձեք պատրաստել: Կարող եք մի փոքր ավել կամ պակաս անել քաղցրը: Ամեն ինչ կախված է ձեր ճաշակից:
Բրնձի անսովոր համն ու բույրը գերում է հենց թավայի կափարիչը բարձրացնելուն պես: Վստահեցնում եմ, որ դուք շատ ավելի մեծ հաճույքով կվայելեք այս ուտեստը, եթե ինքներդ պատրաստած լինեք: Թող որ այն միշտ համ, բույր ու երանություն բերի ձեր ընտանիքին:
Չամիչով փլավ. Անհրաժեշտ բաղադրիչները
_բրինձ — 200 գր
_չոր մրգեր (չամիչ, չոր ծիրան) — 70 գր
_սոխ — 70 գր
_գազար — 40 գր
_մաղադանոս — 40 գր
_բուսական յուղ — 2 ճաշի գդալ
_շաքար — 1 ճաշի գդալ
_աղ, փլավի համեմունքներ` ըստ ճաշակի
_ծորեն (բարբարիս) — 1 ճաշի գդալ
_գլուխ սխտոր
Չամիչով փլավ. Պատրաստման եղանակը քայլ առ քայլ
_Լվանալ բրինձը մի քանի անգամ, մինչև ջուրը պարզվի: Վրան լցնել տաք ջուր և մի կողմ դնել:
_Մաքրել և պատրաստել բանջարեղենը: Մանր կտրատել սոխը: Խոշոր քերիչով քերել մաղադանոսը և գազարը: Եթե ցանկանում եք, կարող եք կտրել դրանք կես օղակներով:
_Վերցնել խորը տապակ կամ կաթսա՝ չկպչող հատակով: Մեջը լցնել բուսական յուղ: կաթսան տաքացնել վառարանի վրա:
_Նախ լցնել գազարն ու մաղադանոսը, ապա մի քանի րոպե անց՝ սոխը: Եփել 5 րոպե:
_Արդեն ուռած բրնձի ջուրը քամել և այն լցնել բանջարեղենի վրա: Խառնել, հետո ավելացնել աղը, մի գդալ շաքարավազը: Այժմ լավ լվացած ծորենը նույնպես ավելացնել մնացած համեմունքների հետ միասին:
_Այդ ընթացքում պետք է պատրաստել չրեղենը ըստ ձեր նախընտրության: Այս բաղադրատոմսում ծիրանի չիր է և չամիչ: Կտրատել ծիրանի չիրը (եթե մեծ են): Ավելացնել չրերն ու չամիչը, ջուր լցնել: Ջուրը պետք է ծածկի բրինձը և մեկ մատը բարձր լինի դրա մակարդակից: Կաթսան ծածկել կափարիչով և եփել մոտ 30 րոպե շատ թույլ կրակի վրա:
_Հետո, երբ արդեն բրինձը կլանի ամբողջ ջուրը, վերևում դնել սխտորի գլուխը կենտրոնում: Կափարիչը կրկին դնել, շոգեխաշել ևս 10 րոպե:
Չամիչով փլավը պատրաստ է:
Բարի ախորժակ!
Տեսանյութ
Զատկի փլավ