Հարգելիներս, այսօր ուզում ենք ձեզ ընթրիքի համար ևս մեկ Պարզ աղցանի բաղադրատոմս ներկայացնել, որը կարող եք պահպանել ձեր բաղադրատոմսերի ցանկում: Ընթրիքի համար այս պարզ աղցանն իսկապես համեղ է և թեթև: Այն հեշտ է պատրաստվում, և միանգամից ուտվում: Ամեն ինչ այնպես է, ինչպես պետք է)
Պարզ աղցան ընթրիքի համար. Անհրաժեշտ բաղադրիչները
_Հավի կրծքամիս — 1 հատ
_Թարմ վարունգ — 1 հատ (միջին չափի)
_Պահածոյացված կանաչ ոլոռ — 100 գր
_Կանաչիներ — սամիթ, մաղադանոս
_Քաղցր պղպեղ — 1 / 2 հատ
_Մայոնեզ — 2 ճաշի գդալ
_Աղ ՝ ըստ ճաշակի
Ըստ ցանկության՝ մարինադ հավի կրծքամսի համար
_Սոյայի սոուս — 2 ճաշի գդալ
_Աղացած պղպեղ — 0.5 թեյի գդալ
_Աղ՝ ըստ ցանկության
_Իտալական համեմունքներ — 1 թեյի գդալ
_Բուսական յուղ — 1 ճաշի գդալ
Պարզ աղցան ընթրիքի համար. Պատրաստման եղանակը
_Դուք կարող եք պարզապես խաշել հավի կրծքամիսը, կամ կարող եք դա անել այսպես՝ փոփոխության համար կրծքամսին ավելացնել սոյայի սոուս, աղ, համեմունքներ, աղացած պղպեղ, բուսական յուղ:
_Մի քանի տեղից սուր դանակով ծակծկել կրծքամիսը: Թող առնվազն մեկ ժամ մարինացվի:
_Դրանից հետո յուրաքանչյուր կտորն առանձին փաթաթել փայլաթիթեղի մեջ: Թխել ջեռոցում 180 աստիճանով 30 րոպե:
_Պատրաստի կրծքամիսը և թարմ վարունգը կտրել շերտերով:
_Կտրատել մի փոքր բուլղարական պղպեղ և կանաչիներ:
_Այժմ ամեն ինչ խառնել աղցանի ամանի մեջ՝ հավի կրծքամիսը, վարունգը, պղպեղը, կանաչիները, կանաչ ոլոռը, և մի քանի ճաշի գդալ մայոնեզը:
Պարզ աղցանն ընթրիքի համար պատրաստ է:
Բարի ախորժակ
Տեսանյութ
Հավի մսով աղցան
