Պարզ տորթ. Կստանաք փափուկ և նրբահամ աղանդեր՝ հաճելի հյուրասիրություն բոլորի համար

Պարզ տորթն անչափ փափուկ ու եթերային է, իսկ տանձով բուրավետ լցոնումը, թթվասերով և խտացրած կաթով նուրբ կրեմն այն դարձնում են պարզապես արքայական աղանդեր:

Պարզ տորթ. Անհրաժեշտ բաղադրիչները

_Ձու 5 հատ

_Շաքար 200 գ

_Մի պտղունց աղ

_Ալյուր 170 գ

_Օսլա 50 գ

_Փխրեցուցիչ 1 թեյի գդալ

_Ընկույզ 10 գ

Կրեմի համար անհրաժեշտ է

_Թթվասեր 600 գ

_Եփած խտացրած կաթ 250 գ

Լցոնը պատրաստելու համար հարկավոր է

_Տանձ 1 հատ

_Շաքարավազ 1 ճաշի գդալ

_Մեղր 1 ճաշի գդալ

_Կարագ 1 թեյի գդալ

_Ցանկության դեպքում դարչին՝ ըստ ճաշակի

_Մի պտղունց կիտրոնաթթու

Պարզ տորթ. Պատրաստման եղանակը

_Ձվերը մի պտղունց աղով հարել մեկ րոպե, ավելացնել շաքարավազը և հարել մինչև փրփրուն, խիտ զանգված ստացվի:

_Լցնել մաղած ալյուրը փխրեցուցիչով և օսլայով, խմորը խառնել:

Խորհուրդ. Ավելի լավ է եգիպտացորենի օսլա վերցնել, բայց եթե չունեք, միանհանգստացեք, կարտոֆիլի օսլան նույնպես հարմար է:

_Խմորը հունցել բահիկի միջոցով և ավելացնել մանրացված ընկույզը:

_Ջեռոցի տապակը ծածկել յուղաթղթով և լցնել խմորը:

_Թխել 20 — 25 րոպե 170 աստիճանով: Բիսկվիթի պատրաստ լինելը ստուգել փայտիկով:

_Բիսկվիթը փաթաթել սննդային թաղանթով և մի քանի ժամով դնել սառնարանը:

_Կլպել և կտրել տանձը փոքր կտորներով:

_Տապակել տանձը կարագի, շաքարի, դարչինի և մեղրի հետ: Տապակել մինչև կարամելացումը՝ 3 րոպե և թողնել սառչի:

_Հարել թթվասերը խտացրած կաթով՝ մինչև հարթվի:

_Բիսկվիթը կտրել 3 — 4 շերտերի:

_Ցանկալի է տորթը ձևավորել բացվող օղակի մեջ:

_Խմորի շերտերին քսել կրեմ, վրան լցնել կարամելացված տանձ և դնել միմյանց վրա, զարդարել փշրանքներով կամ շոկոլադով` ըստ ճաշակի:

_Տորթը հավաքելուց հետո այն մի քանի ժամով դնել սառնարանում և մատուցել սեղանին:

Ստացվում է պարզապես հիանալի տորթ՝ տանձի պայծառ բույրով և համով և նուրբ կրեմով:

Բարի ախորժակ:

Տեսանյութ

Ելակով տորթ չէ, բայց համն անմահական է