Ջեմով կարկանդակ թխելը միշտ չէ, որ շատ ժամանակ և աշխատանք է պահանջում: Դա ապացուցելու համար այսօր առաջարկում են ջեմով շատ պարզ կարկանդակի բաղադրատոմս: Մատչելի մթերքներ, քիչ ջանքեր ու ժամանակ և համեղ հաճույքը կհայտնվի ձեր սեղանին:
Մթերքները հեշտությամբ կարող եք գտնել ձեր խոհանոցում, իսկ լցոնման հետ կապված խնդիրներ չեն առաջանա: Ի վերջո, յուրաքանչյուր տնային տնտեսուհի իր մառանում կունենա մի բանկա մուրաբա կամ ջեմ: Բայց զգույշ եղեք, դուք կցանկանաք այս կարկանդակը կրկին ու կրկին թխել:
Ջեմով կարկանդակ. Անհրաժեշտ բաղադրությունը
_ Ձու 3 հատ
_ Կաթ 200 մլ
_ Արևածաղկի ձեթ 90 մլ
_ Ցորենի ալյուր 400 գ
_ Շաքար 200 գ
_Փխրեցուցիչ 1,5 թեյի գդալ
_ Աղ 0,5 թեյի գդալ
_ Ելակի ջեմ 1-1,5 բաժակ
Ջեմով կարկանդակ. Պատրաստման եղանակը
_ Հարել ձվերը՝ ավելացնելով մի փոքր աղ, մինչև դրանք փրփրեն: Շաքարավազը քիչ-քիչ ավելացնել:
_ Արևածաղկի ձեթը և կաթը խառնեք առանց կանգ առնելու, ապա ավելացնել մաղած ալյուրը և փխրեցուցիչը:
_ Հարել այնքան ժամանակ, որ խմորը հարթ ու առանց գնդիկների լինի:
_ Ծածկել ձևամանը յուղաթղթով և վրան քսել բուսական յուղ: Թեթև ցանել ալյուրով:
_ Լցնել խմորի կեսը և վրան տարածել միջուկը: Լցնել մնացած խմորը միջուկի վրա և հարթեցնել մակերեսը:
_ 15 րոպե դրեք կարկանդակը 180 աստիճան տաքացրած ջեռոցում, ապա ջերմաստիճանը իջեցրեք 160 աստիճանի և 40-45 րոպե թխեք աղանդերը:
Մի մոռացեք պատրաստի կարկանդակի վրա շաքարի փոշի շաղ տալ, նախքան սեղանին մատուցելը:
Բոլորին դուր կգա իր բույրով և թեթևությամբ: Մի մոռացեք կիսվել այս բաղադրատոմսով ձեր ընկերների հետ:
Տեսանյութ
Սալորով կարկանդակ